HKGAY 同志資訊平台

Full Version: 男朋友叻過自己
You're currently viewing a stripped down version of our content. View the full version with proper formatting.
Pages: 1 2 3 4 5 6
"同現任男朋友係大學認識,我(0仔)仲係undergrad而佢(1仔)就讀緊postgrad,一齊咗差吾多一年。一開始拍拖既時侯係好開心,覺得自己搵到Mr. right。佢各個方面都好好,黎緊畢業就會有兩個專業degree,不論事業前途定係外形都無咩可以挑剔。但係拍拖耐左,唔知點解會覺得好自卑,唔開心。其實我本身條件唔算差,係大學都算聰明,會有獎學金之類。而我自己做藝術亦都賺到d錢養得起自己。以往其他人都會讚我叻,欣賞我。但係自從拍拖後,我身邊嘅朋友同學都只會讚我男朋友叻,話我執到,繞埋雙手等人養。我覺得我男朋友成功到我係佢面前好似毫無價值。有一次我哋係到傾偈,我講藝術、科學,佢全部都對答到。本來我好開心有人了解我,但係話題一轉,佢講緊金融、投資,我發現我完全搭唔到嘴。佢安慰我話我仲細,唔知好正常啫。但係佢係我咁嘅年紀時,已經叻過依家嘅我好多。佢成日半講笑咁話大把0仔想搵個bf叻過自己都恨唔到,我應該開心搵到個人嚟照顧我。但係我唔想只係做我男朋友既附屬品,於是我成日想搵方法證明自己。男朋友識六種語言,我淨係識四種,於是搏命學多幾種。佢人工高過我,我就做多啲part-time。就連係運動(我地大家都係u-team)都練多啲要追上佢。但係無論我幾努力,我同佢好似總係有一段距離。拍拖拍到好似比賽咁,越黎越攰。係以往『聰明』對我黎講係一個身份象徵,依家佢取代咗我嘅身份。我唔係唔識點面對佢,我係唔識點面對自己。
支持你 比心機
5洗咩都比較既,人比人 比死人阿 仔
加油你應該得架師兄
樓主唔洗灰心 講到有唔明 咪問下你男友 我相信佢都會教你 咁你講多左 問多左 識左就自然會搭到咀
其實唔緊要 大家各有所長 唔一定話每一樣野都要傾到計
感同身受 Sad
我都有呢個煩惱-.-
我鍾意我另一半叻過我-3-
睇開D啦樓主 樣樣都咁計較會愈黎愈唔開心嫁
Pages: 1 2 3 4 5 6