【肌肉震波】大隻袁偉豪露點喪捱打 - Printable Version +- HKGAY 同志資訊平台 (https://hkgay.net) +-- Forum: Main Discussions 主版討論 (https://hkgay.net/forumdisplay.php?fid=1) +--- Forum: Dating & Images Area 【男生交友區】（貼圖、分享） (https://hkgay.net/forumdisplay.php?fid=15) +--- Thread: 【肌肉震波】大隻袁偉豪露點喪捱打 (/showthread.php?tid=116749)

【肌肉震波】大隻袁偉豪露點喪捱打 - blue2sky - 2016-10-27 識玩一定咁玩。 1/10  【on.cc東網專訊】 無綫劇集《使徒行者》第一輯贏盡收視同口碑，成績咁好，無綫當然要食住個勢開拍續集。雖然第二輯冇咗「爆Seed」林峯同「釘姐」余詩曼，不過就搵嚟苗僑偉、陳豪、袁偉豪、周柏豪、宣萱、黃翠如、楊潮凱等等，配搭都算新鮮！ 袁偉豪楊潮凱鬥晒肌 最近劇集已經開拍，劇組就去咗泰國取景，袁偉豪同楊潮凱亦有隨行拍攝。雖然拍劇日夜顛倒，不過佢哋兩個一有時間，都會去健身室Keep靚靚副Body。袁偉豪喺社交網站Instagram上載一段短片，並留言表示：「來到泰國開工，休息時間都做吓運動既（嘅），打多兩吓啲格仔餅又大塊啲啦！P.S下回更精彩 @guruhung ?」袁偉豪喺文尾仲Tag埋洪永城（唔通洪永城陪翠如BB去泰國開工？）。 袁偉豪捱打冇聲出 片中一開波，只見有個男人掀起件衫露出兩點，然後就有另一隻手拎起塊拳擊練習靶瘋狂打個男人腹部，喺慢鏡效果下，個男人啲腹肌震吓震吓，令人睇得一清二楚！之後拍片者將鏡頭慢慢Zoom遠…點知見到男神袁偉豪將雙手放後腦，咬住件衫密密捱打，而楊潮凱就揸住塊拳擊練習靶一邊打，一邊喪忍笑。 洪永城喪打楊潮凱 見袁偉豪玩得咁開心，楊潮凱之後亦有親身試吓捱打嘅滋味。不過今次就換上洪永城做打人個角色，袁偉豪則負責拍片。條片同樣地又係用慢鏡效果拍攝，而楊潮凱啲肌肉同樣都係震震吓，再加上手機拍攝時嘅特別聲音效果，畫面震撼得嚟又真係幾搞笑！三個大男人連做Gym都可以咁有情趣玩拍片，真係服咗佢哋！ __________________________ 啲肌肉Keep住震。 洪永城（左）同楊潮凱又玩。 《使徒行者》第一輯有「爆Seed」林峯同「釘姐」余詩曼。（資料圖片） 仲要慢鏡?！ 洪永城（左）特登出假動作玩楊潮凱。 第二輯嘅男演員有苗僑偉（左起）、陳豪、周柏豪等。（資料圖片） 畀人打嘅原來係袁偉豪（右）！ 結果畀人踢。 RE: 【肌肉震波】大隻袁偉豪露點喪捱打 - daisikiiii - 2016-11-05 好有佬味～波波再大D就好 RE: 【肌肉震波】大隻袁偉豪露點喪捱打 - 明月照溝渠 - 2017-01-24 人到中年就會走樣！ RE: 【肌肉震波】大隻袁偉豪露點喪捱打 - 軒軒1069 - 2017-01-27 打得多腹肌會現形 RE: 【肌肉震波】大隻袁偉豪露點喪捱打 - 尻尾男 - 2017-02-12 good body RE: 【肌肉震波】大隻袁偉豪露點喪捱打 - gay1069 - 2017-02-12 佢真係好正 RE: 【肌肉震波】大隻袁偉豪露點喪捱打 - 小小洞情 - 2017-02-13 我跟他距離很遠呀，要繼續努力操練！ RE: 【肌肉震波】大隻袁偉豪露點喪捱打 - 大隻廣 - 2017-02-25 如果佢係gay就正