HKGAY 同志資訊平台
【升學顧問計劃上市】靚仔碩士年賺800萬 諗計吸200英校合作 - Printable Version

+- HKGAY 同志資訊平台 (https://hkgay.net)
+-- Forum: Administration/Complaints 網務／版務／意見／投訴 (https://hkgay.net/forumdisplay.php?fid=6)
+--- Forum: Gossips / News in Gay Community 男同志熱話／新聞區 (https://hkgay.net/forumdisplay.php?fid=17)
+--- Thread: 【升學顧問計劃上市】靚仔碩士年賺800萬 諗計吸200英校合作 (/showthread.php?tid=117917)

Pages: 1 2

【升學顧問計劃上市】靚仔碩士年賺800萬 諗計吸200英校合作 - Bnm - 2018-04-20

由灣仔三百呎辦公室，到銅鑼灣三千呎升學中心；由one-man band到今日有二十多名員工；由零收入到去年有私募基金入股、盈利高達八百萬元，這就是大家經常在各大傳媒教育版看到的升學顧問公司英識教育。公司由九歲起赴英國讀書、畢業於University of Warwick經濟碩士的陳思銘（Samuel）創立，並計劃上市︰「如果上到市，都
唔會係exit strategy，我唔想離場。我覺得我哋做嘅嘢、可以達到嘅係無窮無盡，個市場仍然好大。
[Image: 1522569099_a697.jpg]
 Samuel的同事大部分都是二十多歲，十分有活力。[Image: 1522569193_70b7.jpg]
 Samuel（中）去年獲頒英國傑出校友獎。[Image: 1522569196_0562.jpg]
 作為英國升學KOL，Samuel經常出席不同講座，分享選校心得及留學見聞。

雖然從小被教育「香港做金融才會發達」，但名牌大學畢業的Samuel並沒有因此而入行︰「我身邊有好多叻人，我覺得自己喺金融業未必做到最叻，但英國教育，我自己係用家，又受惠，sell都sell得開心啲！」碰巧六年前，他在內地國際學校教書期間，被學校委託跟英國學校建立關係，啟發他出來創業。就在那一年，他跟英國二百多間院校簽訂合作計劃。

 

Samuel指出，升學顧問這一行，大多都由老行尊壟斷，要說服過百間英國學校跟「新人」合作，一點都不容易，他的母校Gresham's School就是第一間拒絕他的學校。於是他開始寫blog，內容圍繞他在英國的經歷︰「寫blog可以訪問人，學校即使唔歡迎新的合作伙伴，都唔會唔歡迎傳媒。」當他爭取到機會跟校長對談時，就會介紹自己公司︰「我知道佢只有1、2分鐘時間去了解你，佢會Google 、會問人。首先你有無網站、有無可信的logo，所以我哋logo係英國國旗。我又租咗coworking space，第一個地址就係香港的美麗華和大陸的南山，令人有可信嘅感覺。」在英國讀書十四年，又曾入讀寄宿學校，令他清楚學校及學生的需要︰「我介紹六個學生，肯定呢六個學生適合你間學校。佢哋來到，唔會轉校、會好開心，因為我真真正正知道你學校提供到咩。」結果，排名前列的Cheltenham College成為第一間跟他合作的學校，靠著口耳相傳，陸續有很多水準不錯的院校願意跟他合作。

有龐大的英國學校網絡，只是第一步，還需要有學生。可是Samuel最初錯信內地拍檔︰「佢（內地拍檔）覺得『有關係』，喺內地就有生意。因為跟佢個方向行，就要飲飲食食，又要宴請唔同人。由校長到班主任，到內地學校的老闆，我哋都要招呼，但其實最後真係一個學生都無！嗰一年係浪費金錢、浪費時間、浪費精神，仲同個拍檔不和，因為我都唔信呢一套，最後拆夥。」禍不單行，創業初期不但零收入，更欠銀行四十多萬元，同時屋企情況轉差，令他背負巨大壓力︰「本身自己生活都有問題，當時能夠賺錢嘅，我都做。我開始幫人寫網站、幫人設計。最可笑係，有朋友叫我幫一個香港有錢人買英國靚車，希望賺個差價。嗰日自己穿著西裝去到馬場，富豪身邊有好多?模，佢叫我朋友做『擦鞋仔』 ，而我就係『擦鞋仔個friend』。」

 

單飛後，他決定繼續寫blog，吸引有意送子女到英國升學的家長留意；又在不同媒體寫專欄、開Facebook page宣傳，把自己塑造成英國升學KOL；同時為不同學校提供市場推廣服務（目前佔總收入六成），助它們打入香港及內地市場。不靠關係，反而生意愈來愈好，後來又遇到兩位跟自己理念相近的生意夥伴，合作至今。

 

一四年的佔中及去年的英國脫歐，亦推高公司生意，去年已有五、六百名學生透過英識教育，赴英國升學︰「因為社會氣氛唔開心，多咗家長希望小朋友去英國讀書，佔中後，我哋生意多咗兩、三成。脫歐令英鎊跌，學費平啲，亦多咗人去英國升學。」去年年初，公司更獲基匯資本執行合夥人Christina Gaw的私募基金入股，估值達八千萬元。

RE: 【升學顧問計劃上市】靚仔碩士年賺800萬 諗計吸200英校合作 - 金木水火土 - 2018-04-22

下。。。sell 到呢到

RE: 【升學顧問計劃上市】靚仔碩士年賺800萬 諗計吸200英校合作 - bigman - 2018-04-22

正正常常 吾系特別靚仔 不過系charm既

RE: 【升學顧問計劃上市】靚仔碩士年賺800萬 諗計吸200英校合作 - facebk - 2018-04-23

一點點都唔靚仔，好普通

RE: 【升學顧問計劃上市】靚仔碩士年賺800萬 諗計吸200英校合作 - 公主病患者 - 2018-04-24

我覺得好醜樣點算

RE: 【升學顧問計劃上市】靚仔碩士年賺800萬 諗計吸200英校合作 - hkroll - 2018-04-24

不怎麼好看覺得

RE: 【升學顧問計劃上市】靚仔碩士年賺800萬 諗計吸200英校合作 - heihei69 - 2018-04-24

還可以啦。。

RE: 【升學顧問計劃上市】靚仔碩士年賺800萬 諗計吸200英校合作 - dovey - 2018-04-29

請在圖中找靚仔

RE: 【升學顧問計劃上市】靚仔碩士年賺800萬 諗計吸200英校合作 - boboj - 2018-04-29

真係財俊喎

RE: 【升學顧問計劃上市】靚仔碩士年賺800萬 諗計吸200英校合作 - Mobius - 2018-05-01

五錯，青年才俊