+- HKGAY 同志資訊平台 (https://hkgay.net)
+-- Forum: Main Discussions 主版討論 (https://hkgay.net/forumdisplay.php?fid=1)
+--- Forum: Dating & Images Area 【男生交友區】（貼圖、分享） (https://hkgay.net/forumdisplay.php?fid=15)
+--- Thread: 鐘意左自己親生大哥，但系又唔知點做好 (/showthread.php?tid=118044)
鐘意左自己親生大哥，但系又唔知點做好 - 原來是這樣 - 2018-05-13
事情係咁嘅，我屋企除左阿爸阿媽外，連埋我有三兄弟。
因為本身阿爸阿媽淨係想生兩個小朋友，當時有咗我算係意外懷孕，
所以我同兩個阿哥年紀都有D差距。我同大哥差六年，同二哥差五年。
細個既時候大哥通常只會同二哥玩(可能嫌我幼稚...)，
而二哥就比較無所謂，所以我細個既時候同二哥關係好d。
因為我算係意外懷孕而對家庭造成既額外負擔，所以我阿爸由細對我都惡啲，
會成日講住如果唔係為左養我，我地屋企晨早有錢買大屋，唔使捱窮之類嘅說話。
如果我做錯野，阿爸就會打我打得好金。相反我阿媽係好怕事嘅人，每次阿爸打我，
佢都只係會攬住我二哥企埋一邊喊。但係我大哥好唔同，
雖然大哥平時比較少時間陪我，但其實佢好保護我。佢會幫我擋住阿爸，有時甚至同佢打交。
一路直到我十二歲個年，因為我考到入去一間好中學，我阿爸對我態度好番D，無成日鬧我。
但當年十八歲嘅大哥同阿爸阿媽嘅關係都好差。佢成日都會同佢地嗌完交後搬去朋友屋企住幾日先返。
係我十四歲嘅時侯有一次，我因為係學校俾同學欺凌，好唔開心。係好想搵人陪嘅狀態下打左比大哥，
佢半夜係朋友屋企返黎。因為費事被人知道佢翻過來(佢同二哥同房)，所以就入左我間房。我一見到佢就即刻攬住佢喊。
佢一路都好溫柔咁安慰我，攬住我訓左成晚。係臨天光就黎走嘅時候佢仲錫左我額頭一下。
喺果次幾個月後，大哥正式同屋企人出櫃，原来佢一路以來的室友係佢既同居男朋友。
當時全部人都好反對，我阿爸又鬧又打，連我二哥都怪我大哥不孝搞到阿媽咁傷心。
係果次之後大哥就直接搬走左，無再番過黎。而阿爸阿媽就話當無生過呢個仔，禁止我哋再同佢見面。
而我見到咁嘅結果亦唔敢再諗係屋企出櫃。直至五年後既依家，我係一個大學求職既event撞返大哥。
今年應該25歲嘅佢同我記憶中好唔同，而佢亦都差D認唔到我。我地係event完咗之後敘舊。
我上咗佢屋企同佢傾計，發現原来佢搬出去無幾耐就同當時既男朋友分左手，
而佢為左生計就專注工作，而家生活都算穩定。
我亦都同佢come out兼且話比佢聽其實我好內疚當年無幫佢講過一句說話。
講講下眼淺的我就喊左出嚟，而佢伸手出嚟幫我抹眼淚既時侯，我覺得好似返去細個果時。
我望住大哥一陣然後錫咗佢嘴唇一下。佢初頭有啲愕然但係好快就變成我地兩個係到kiss。
完咗之後，佢同我講話如果我想可以由宿舍搬去佢屋企同佢一齊住，佢會照顧我。
我番到宿舍諗咗好多嘢，上網查過原来有樣野叫做genetic sexual attraction,
係指近親如果係成長時期分開直到成年先再見面會較容易受對方性吸引。
有諗過可以搬去同大哥二人生活，以後唔洗再分開。
但係同自己阿哥拍拖又始終係亂倫，唔知會有咩結果。依家個心好亂唔知點做好。
RE: 鐘意左自己親生大哥，但系又唔知點做好 - Jacky - 2018-05-13
竟然會鍾意自己哥哥
RE: 鐘意左自己親生大哥，但系又唔知點做好 - Danny - 2018-05-13
佢咁嘅行為，佢都係gay?
RE: 鐘意左自己親生大哥，但系又唔知點做好 - fma - 2018-05-13
忘記放手啦
RE: 鐘意左自己親生大哥，但系又唔知點做好 - minggor - 2018-05-13
去馬啦 仲等咩 有鍾意既人就應該去追
RE: 鐘意左自己親生大哥，但系又唔知點做好 - 原來是這樣 - 2018-05-13
去馬啦 仲等咩 有鍾意既人就應該去追
但果個係自己親生阿哥...
RE: 鐘意左自己親生大哥，但系又唔知點做好 - Deepsea - 2018-05-13
愛佢有好多種方法，正正因為佢係你親生哥哥所以更加要珍惜這段關係。是痛的，不過這就是愛。
RE: 鐘意左自己親生大哥，但系又唔知點做好 - dovey - 2018-05-13
一定唔會有好結果
RE: 鐘意左自己親生大哥，但系又唔知點做好 - Daleyson - 2018-05-13
希望你地唔會亂倫啦
Random Event - tikitaka - 2018-05-13
【HEHE!講呢D】健碩猛男教煮野?: http://hkgay.net/showthread.php?tid=117563