【飛虎之潛行極戰】特訓點止跑操場　前警司爆地獄週：9成練體能 - Printable Version +- HKGAY 同志資訊平台 (https://hkgay.net) +-- Forum: Administration/Complaints 網務／版務／意見／投訴 (https://hkgay.net/forumdisplay.php?fid=6) +--- Forum: Gossips / News in Gay Community 男同志熱話／新聞區 (https://hkgay.net/forumdisplay.php?fid=17) +--- Thread: 【飛虎之潛行極戰】特訓點止跑操場　前警司爆地獄週：9成練體能 (/showthread.php?tid=118135)

【飛虎之潛行極戰】特訓點止跑操場　前警司爆地獄週：9成練體能 - qqfun123 - 2018-06-01 【飛虎之潛行極戰】特訓點止跑操場　前警司爆地獄週：9成練體能 劇集《飛虎之潛行極戰》中，黃宗澤、張兆輝等一班飛虎隊成員為維持香港治安、打擊恐怖分子流血流汗，而劇集亦有不少訓練情節，但其實觀眾看到的畫面，比起真正的訓練內容其實爭好遠。曾任機場特警隊主管及創立反恐特勤隊的警隊前警司黎家智便指飛虎隊遴選、訓練並非只考體能：「仲會訓練你意志、戰術、智慧，仲會要求你唔好怕水、怕高同怕黑。」 曾任警司的黎家智現職特種安保顧問公司行政總裁，擔任保護要人組期間貼身保護過江澤民、胡錦濤及克林頓等中外政要。 至於具體訓練內容，黎Sir便指訓練內容五花八門，有主要練膽練技術的：「高方面就會有跳船、瀡繩，水方面就潛水執嘢、夜潛同負重落水，黑方面就會叫你密室然後摸黑出返嚟，裏面係有樓梯。」亦有舉起3磅重鐵棒並維持手臂與肩膀成直線數小時等練耐力練意志的訓練內容。那麼會否要求隊員連續做幾百下掌上壓？黎Sir笑謂：「連續做20下都Pass，做到100下已經係超人。」 除了跑操場，飛虎隊的訓練內容五花八門，有練膽練意志，亦有練技術練耐力。（資料圖片） 傳說，飛虎隊訓練中會有一段「Hell Week」（地獄週）時間，黎Sir便指真有其事：「喺呢段時間，隊員嘅休息時間係極少，90%時間係做體能訓練，做啲隊員人生中未試過嘅嘢，好似一次過跑兩轉麥理浩徑。」麥理浩徑全長100km，一次過跑兩轉麥理浩徑，豈不是一次過要跑200km？黎Sir就指不會要求隊員限時完成：「最主要都係睇大家完唔完成到，忍唔忍到成個過程，會唔會姐手姐腳唔願跑咁。（要唔要負重跑？）跑麥理浩徑就唔使嘅，拎支水啫。」 圖為麥理浩路線圖。（網上圖片） 提到《飛虎之潛行極戰》中，一班飛虎隊員不時進行搏擊訓練，那麼真實的搏擊訓練又是怎樣？黎Sir答謂：「其實都係警隊基本訓練，好似自衛術、壓力點控制等，亦都有自由搏擊。（會唔會學洪拳、詠春？）應該係話雜家，等隊員喺最壞嘅情況下，需要埋身肉搏時，都可以用得著，唔會話齋學某一種功夫。」 黎Sir指真正的飛虎隊搏擊訓練沒有觀眾想像中那麼神秘。 RE: 【飛虎之潛行極戰】特訓點止跑操場　前警司爆地獄週：9成練體能 - kit97 - 2018-06-02 正喎又！ RE: 【飛虎之潛行極戰】特訓點止跑操場　前警司爆地獄週：9成練體能 - gospaman - 2018-06-02 我覺得唔夠靚仔囉 RE: 【飛虎之潛行極戰】特訓點止跑操場　前警司爆地獄週：9成練體能 - dodohsu - 2018-06-03 身材好好啊！！ RE: 【飛虎之潛行極戰】特訓點止跑操場　前警司爆地獄週：9成練體能 - twistedp - 2018-06-03 什麼時候具體播出？online可以看嗎？