曼谷回來, 泰好食, 泰好買! - Printable Version +- HKGAY 同志資訊平台 (https://hkgay.net) +-- Forum: Main Recommendations 重點推介 (https://hkgay.net/forumdisplay.php?fid=3) +--- Forum: HEHE潮男同人誌 Gay Magazines of HKers／GAY外遊指南 (https://hkgay.net/forumdisplay.php?fid=13) +--- Thread: 曼谷回來, 泰好食, 泰好買! (/showthread.php?tid=118994)

曼谷回來, 泰好食, 泰好買! - eeee1217 - 2018-11-23 前幾個星期第一次去曼谷, 實在太滿足了。 雖然話系第一次去曼谷, 但其實係第二次去泰國啦, 第一次係舊年同前度去清邁, 哎...........算啦, 講 D 開心 D 啦。 今次去曼谷呀, 主要提前去睇一個要結婚嘅閨蜜(yes, 腐女), 我都請唔到好長嘅假, 得三日兩夜 (請一日假加上周末), 所以佢主要帶我喺市中心行吓, 食食食買買買, 哈哈哈哈哈。 放一波美食毒照。 去完siam paragon 商場嘅海洋館, 就直接喺商場食左 D 野。           芒果糯米飯配椰汁, 基本上唔會難食嘅甜品 超級推薦泰式炒河!!! 佢地叫 pad thai, 河粉同我哋平時食嘅唔一樣, 係窄啲厚啲嘅, 配上酸酸辣辣嘅醬, 雞蛋,豆卜,粗芽菜, 花生碎一齊食, 非常好味! 後來去了silom 地鐵站附近按摩, 佢話係當地比較實惠嘅店。 太舒服了, 我都唔記得左影相。 不過大家記得俾貼士,唔好唔記得哈哈哈哈   我見到一間寫住 dream boy 間店, 本來想去睇下嘅, 但係同閨蜜一齊就算了, 雖然佢知道我係gay。 後來我地就去買買買啦。 買左 D 洗面奶, 防曬, 蜜粉, 洗髮水沐浴露, condom, 仲有兩個神奇嘅嘢。 哈哈哈哈哈, 我e個懶惰的零仔, 基本上都係嚟買美妝產品。 BOND gel wash 都係第一次去泰國既時候買過, 男士洗jj同菊花嘅。 嗰次係同前度一齊去按摩店, 然後要咗剃毛服務添, 哈哈哈哈哈。 師傅整完, 後尾叫我哋用呢個BOND wash 洗, 話男女都可以用嚟洗下面嘅。 洗完香噴噴, 下面如果有毛, 毛毛都變得柔軟, 剃完毛用洗咗生出嚟都唔怕吉。129泰銖, 好平。 今次係boots睇到就回購咗紅樽嘅。     superdry 英國牌子比較出名, 洗頭同沐浴露二合一, 方便平時帶去游水健身。 之前朋友送過我一瓶, 後尾都搵唔到。喺boots 見到就買咗。   然後我閨蜜看到一瓶紫色嘅嘢, 叫我一定要買, 我話唔知係乜唔買, 佢仲硬塞送咗畀我, 話一定會中意。 後來先發現, 寫住organism gel .........高潮啫喱.............對呢個腐女真系無語。 聽講會熱熱哋麻麻嘅, 唔好問我點解知, 單身狗多謝大家。   唔敢露面...... 蝸牛蘆薈曬後修復, 好似係169泰銖。 Receipt唔見咗, 隨便一個7-11都有賣。 因為第一次喺泰國曬傷了, 當地個導遊介紹我用嘅, 全身都可以塗。   trojan 特洛伊condom 好平, 先65泰銖。   srichan 蜜粉, 在everybody買嘅,350泰銖, 黑色盒男士用, 我主要係遮下毛孔, 呢個唔會假白。 感覺泰國嘅男生都有塗吓粉底, 特別係商場啲男sales。       總嘅來講, 感覺曼谷人都好友善, 講咩野都sa wa dee ka， sa wa dee ka。 而且我仲喺商場見到幾個ladyboy 做sales, 唔好叫佢哋人妖, 據講係唔禮貌嘅。 好多細微嘅地方都令我感受到呢度對LGBT嘅包容, 覺得好神奇自由自在。 RE: 曼谷回來, 泰好食, 泰好買! - ibankerhk - 2019-06-13 Thanks for sharing RE: 曼谷回來, 泰好食, 泰好買! - Cheiua - 2019-07-18 資料好實用下次我去泰國都參考先