+- HKGAY 同志資訊平台 (https://hkgay.net)
+-- Forum: Main Discussions 主版討論 (https://hkgay.net/forumdisplay.php?fid=1)
+--- Forum: Dating & Images Area 【男生交友區】（貼圖、分享） (https://hkgay.net/forumdisplay.php?fid=15)
+--- Thread: 重新出發之時，有個難題想大家幫手拆一拆~ (/showthread.php?tid=119017)
重新出發之時，有個難題想大家幫手拆一拆~ - Goblinn - 2018-11-26
話明有難題，當然想大家聽聽故事先~
話說小弟呢，之前同EX散左之後，個陣真係DOWN曬成個人，同所有人斷聯曬，然後日日返工放工訓教LOOP
咁既生活持續左幾年，身邊真係咩人都無，就自己一個行屍走肉式的生活，諗返起其實唔知點捱得到。
咁係早排識左個人，其實佢都好take care我，對我都好包容，後尾我開始覺自己好似中意左佢咁(但其實佢有BF，我都知)
咁後來有一日終於頂唔順，係感覺好強烈底下，終於向佢表白左，然後問題就來了~
表白完後，我有一種從來沒試過既舒適感，然後靜落黎開始諗下，其實對佢無咩FEEL...
UM我諗係因為咁多年無人係身邊，寂寞時突然出現左個對你咁好既人，不知不覺間將幾年壓左係心入面既情緒呀，對EX既思念呀，種種一直無地方發泄既情緒一下湧曬出黎，投射左落佢身上...以為自己好中意佢
咁我搞清楚之後都有搵佢講返，但佢到最後都係話怕會再發生咁既事，所以絕交囉...
其實我依家對佢真係無個種FEEL HAHA，不過純粹唔想無左個真心為自己好既朋友，千金易得 知己難求麻
其實大家覺得仲挽唔挽得返段友誼回來?堅係唔想無左個對自己咁好既FD呀
然後小弟終於對上一段感情釋懷，那麼也是時侯重新出發囉~
荃灣區
巨蟹座(大家信唔信星座，我覺得其實寫得我幾準，極度缺安全感)
平時就係練琴 打機 睇下小說 得閒同fd出去玩下食下咁，無咩特別~係夜晚練琴可能覆得無咁密啦，朝早得閒D
不過有時中意去D我覺得幾特別既地方睇下，有同好陪我就好啦
EG:西營盤壁畫村 最近開返既鰂魚涌市集之類(其實係自己大路痴，先想搵人帶住HAHA
仲有最近奧海城多啦A夢展都好想去...
FD/BF? 隨緣啦~
我相信大家真係岩傾，從有好感到追求再係埋一齊先會長久，依家好多小左"追"呢個過程，一黎就見面，然後就試下一齊，唔岩就88，其實同散拖無咩分別...個人睇法
我自己其實係個幾中意搞笑 講下無聊ON9野既人，所以希望識到D同樣有點幽默既人，得閒講下笑 互串下又可以一日~
理想對像當然都想識個陽光正面d既，中意講下笑既人，天南地北咩都都講得，兩個人相處可以好似朋友咁笑下傻下串下，輕輕鬆鬆的，就係我最覺得最理想舒適的模式。
外協嗎?我覺我都有係架HAHA，我覺每個人心中都總有把尺，總係有類型自己唔中意，所以我揀人，人揀我，我從來唔怕人地因為我樣而88我，所以你地覺得唔ok喎直講就得...I dont care，或者覺得唔岩傾都可以講，人夾人緣~
最後希望大家PM留個LINE俾我啦~我有相時其實都希望你地有 有時唔想同個無面人講野，好似敵暗我明咁，講真你出街都唔係帶住面具出，個樣日日俾人見過唔知幾次啦...況且真係岩傾遲早會出黎見，有咩好介意呢?
唔知多唔多人ADD啦，但太多可能加唔曬，一次過太多人我怕應唔切咁多HAHA，唔想因為咁而HEA應你地呀~
本來想直接放出黎等人ADD，但我都係怕一陣突然一堆人，完全應唔切
RE: 重新出發之時，有個難題想大家幫手拆一拆~ - AndyMok - 2018-11-26
Pmmmmmmmmmm，有興趣去影下相？多啦A夢展？
RE: 重新出發之時，有個難題想大家幫手拆一拆~ - George SG Yeun - 2018-11-26
咁就絕左交啦? 又會咁兒戲ge
你解釋返你所指的鍾意，係安全感而不是愛
RE: 重新出發之時，有個難題想大家幫手拆一拆~ - Nao - 2018-11-26
nice to meet you
RE: 重新出發之時，有個難題想大家幫手拆一拆~ - Goblinn - 2018-11-26
佢有講話怕又有同樣事發生，始終佢有男友，都有責任保持返距離既
解釋過架啦，佢都有應我話未回神，第日再答。
然後第日就係話佢唔ok囉 無諗啦 之後再搵佢都係已讀我
可能過一排再叫下佢啦
RE: 重新出發之時，有個難題想大家幫手拆一拆~ - Banhallen - 2018-11-26
性誕緊係要出街同人聖誕聯歡啦..但苦無朋友,做個朋友啦,如果你OK的話,