HKGAY 同志資訊平台

性向成疑嘅「小斌女」關智斌（Kenny），同張敬軒傳斷背傳足10年，近年北上掘金嘅Kenny，密密拍劇撈到風山水起，相繼喺大陸、香港同多倫多都有物業，仲操到一副爆肌身型，但去年就同軒仔傳出越行越遠，感情由濃轉淡！日前Kenny竟撇甩軒仔遊東京，仲要喺同志蒲點同志酒吧被讀者陳先生野生捕獲，透過「爆相爆片」分享玩到high high嘅過程，唔知軒仔睇到有乜滋味呢！讀者陳先生喺電話表示，上周喺同志蒲點新宿二丁目嘅Arty Farty，見到Kenny連蒲兩晚玩得好開心：「第二晚我12點幾落到去，已經見到Kenny又嚟咗玩，佢身邊有兩、三個香港朋友，呢間同志酒吧比較多日本人去玩，可能少香港人捧場關係，所以Kenny玩得好放心，見到佢喺舞池勁high跳舞，雖然全程戴cap帽，但表現冇乜戒心。」
問到Kenny喺同志酒吧裏面有冇被仔撩？陳先生話：「幾乎全個場都係男人，但我就唔覺有同志埋佢身，現場都好迫人，佢着得唔係太突出，所以冇乜男人留意佢啩。」Kenny係咪拖全男班去蒲？陳先生表示：「佢有兩三個朋友一齊玩，都係男人，佢有同朋友跳舞，都有一陣朋友行開咗，佢就自己喺度跳，一個人都un得好開心。」Kenny飲得多唔多酒呢？陳先生話：「見到佢有少少醉意，所以都跳得比較high，我凌晨兩點幾走，佢都仲未走。」 位於新宿嘅Arty Farty係日本好出名嘅同志蒲點，而且消費唔貴，入場叫一杯幾百yen飲品，之後每杯都係幾百yen，所以吸引好多日本同志捧場，越夜越精彩。









#同志酒吧
#關智斌
#GAY新宿二丁目

Wahh
嘩嘩嘩

好開心啵

我遲D都要同我BF去日本,
日本D Gay Area正到, 有$$咩都玩到

(2017-11-12, 10:30 AM)幻想天堂 Wrote: [ -> ]我遲D都要同我BF去日本,
日本D Gay Area正到, 有$$咩都玩到

有冇介紹？

好想走一轉

甘正
下次約埋一齊玩...

淨係去過大阪

正 做佢條仔重正