HKGAY 同志資訊平台

我係一個HEHE，好多人以為HEHE身邊一定好多男人圍Q住哂。錯，你咁諗就大錯特錯！HEHE身邊最多既一定係港女！我有兩個港女朋友，佢地真係好痴線，痴線到有時我係到諗究竟我係因為HEHE先識到佢地，定識到佢地之後驚左女人變左HEHE。好多人以為我地相處就好似果D女人圈咁，大家約埋一齊HIGH TEA，講下成個系既八掛野咁，再傾下心事。錯！如果你有兩個港女朋友！你既生活係只有恐懼﹗係社交恐懼！打呢篇文我簡直係行緊鋼線，我兩位港女朋友見到既話，佢地可能已經PLAN緊下次番學點樣毒死我。

第一， QUIT GROUP。呢個係我一位港女朋友好慣用既手段黎，特別係身處係做PROJECT既高峰期，一日平均要ADD番佢地兩次。首先，女人好鐘意自己心情唔好就要搵其他野去發洩，作為一個脾氣好既人，好多時你就係受害者。佢地會選擇一D你唔係太留意電話既時候出擊，例如你打緊機、岩岩訓醒、就黎訓呢D時間。好多時都係因為做PROJECT有意見分歧既慣用手法黎，或者我唔肯早做都會有機會QUIT GROUP。我朋友係一個好有責任既人，佢通常係交之前一個星期已經做好份野。WHAT？？？一個星期？

冇錯，係一個星期。係現今世代竟然有唔係早一日做既人真係好稀有。我差D送佢入博物館比大家研究下。QUIT GROUP係一個好強大既手段，可以令你既對手毫無還擊之力。佢會係你打字既時候直接QUIT左，你根本連解釋既機會都冇！到你PM搵佢諗住解釋既時候，佢通常會再BLOCK埋你，一咁你可以直接收皮訓教第二朝再算。QUIT GROUP呢個行為係可以令你站係高地，一QUIT GROUP無論係點都好，你D朋友係一定會搵個代表PM你叫你唔好嬲。根住你就可以用你最高姿態入番GP之後逼你班FD做功課。呢招簡直係無敵。

第二， 伸手黨。我另外一位港女朋友好喜歡咁做。我講完佢今晚應該會QUIT GROUP再BLOCK我。HEHE。正常人黎講，港女係只會露出佢地LV 1 既港女技能比大家睇，面對住唔熟既人，港女既伸手LV只係會去到叫你諗食咩再BAM鳩你既程度。但如果你對住呢個港女熟，佢會決定放棄運作腦部而將所有野交付比你個腦。我呢位朋友好正，佢所有野都可以伸隻手黎叫我比佢。而當我話番佢轉頭，佢係會嬲豬既，覺得ME自私。