2018-05-22, 02:34 PM
話說老子睇完套日劇《大叔的愛》
春田田比阿枚溝中左 拗攣左春田田
諗返起幾年前曾經遇過差唔多嘅事
有一日 有個朋友阿當（直）叫我上佢屋企整電腦（山長水遠由屯門去寶琳）
點知整整下同我傾閑計 傾到三更半夜
內容圍繞住日常生活同埋前途夢想
屌 傾撚到連尾班車都無鳩埋 之後要寄宿一宵
佢屋企得兩間房 一間老豆老母訓 另一間就佢自己
問題黎啦 原本我就諗住訓廳 因為唔想騷擾一個直男
當我訓到扯晒.............扯晒鼻寒之際
佢突然拍醒我 叫我入房同佢傾計
入到房佢就訓左係張床度 咁我都挨係佢隔離 一路傾兩人嘅故事
原來佢以前大把女 但變左綠帽專家 所以無再戀愛了
就傾到大約係講「戀愛為何物」嘅時候
佢突然轉身望住我 雙目互望
‘我可唔可以比我錫你‘- 阿當對住我講
‘嗯’-我同佢講
最後我地濕吻左十分鐘 之後就比佢攬住黎訓
到左第朝早
我聞到煮早餐嘅香氣
原來佢一朝早落街買野煮早餐比我食
當我開始用刀切個隻人生中見過最靚嘅太陽蛋嘅時候...
‘Tim,琴晚嘅事.............................待續