2018-06-28, 03:37 PM
我今年19歲，我男友廿幾歲，接近30。初時識佢都幾幽默風趣，慢慢有好感開始拍拖，佢係醫院番工，成日輪班，佢放假寧願自己係屋企打機或者出去陪朋友，就算佢有搵我，都只係未到約朋友既時間，搵我黎Sip時間。有時佢放假，我都有主動打電話比佢，佢都唔聽，仲即刻cut線，過左一陣，佢就wtsapp我話佢比阿媽煩，所以無心情聽我電話。咁我唯有自己睇youtube同打機，又過左一陣，佢又wtsapp我，鬧我唔理佢唔主動搵佢，淨係顧自己感受。我聽到都幾hurt，搵你又唔得，唔搵你又唔得。每次同佢出街都話攰，每次同你游水，食飯，唱完k都話要即劇刻番屋企休息，難得大家放假，出街2個鐘就要各自番屋企。我話不如去佢屋企，佢又話車錢貴，咁不如上我屋企，佢又話冇野做。連我去識朋友佢都要管，我同朋友傾計，你就幻想個個都係搵fun，全部都要同佢交代佢名字，性別，角色，去邊，食咩，做咩。相反，佢去同朋友食飯，只會係1個鐘前通知我一聲。又check電話，又成日講分手威脅我，你除左用分手呢個詞語仲識咩，差唔多30歲人，我唔想理你，你又打黎煩我，朋友又唔比我識，係你朋友面前放閃，你想我係公眾埸合痴住你，我唔鐘意都照做，你做1仔做到咁，我真係想自殺，仲話愛我。