HKGAY 同志資訊平台

繼鍾嘉欣、岑麗香後，效忠無綫十二年的陳智燊，前晚在社交網公開宣佈離巢無綫，飲水思源的他，多謝無綫的三位女伯樂。陳智燊06年入無綫，由主持做到男一，可惜生成「二奶命」，始終未能上到一線。近年他與現懷孕七個多月的老婆宋熙年做YouTuber人氣急升，加上有工作斟洽中，他決意離巢發展搵奶粉錢。將為人父的陳智燊（Jason），前晚毅然在社交平台宣佈離開無綫，並留言多謝三位女伯樂︰「加入TVB之後得到好人嘅愛戴，樂小姐不斷帶當時嘅我出席活動，不停搵機會畀呢個新人；Sandy（余詠珊）亦都畀咗我好多做主持嘅機會；多謝珍姐（曾勵珍）令我實現到我演戲夢想。」Jason亦另外貼出與太太宋熙年（Sarah）的照片，並以英文留言多謝太太：「與你組織家庭是我生命中最珍貴的事，多謝你啟發我的自信與動力，你給我力量去追我的夢想。」
其實Jason自06年入無綫訓練班後，至12年拍《幸福摩天輪》終於擔正，惜之後又被打回原形，變回男二，未能上位。現他與Sarah的YouTube頻道S&J，內容包括飲食、旅遊、汽車、化妝及首飾等，甚多元化，訂閱人數更已有九萬多人。

 離開舒適圈Jason昨日在書展出席「名人講故事」，為小朋友講故事。活動結束後，Jason接受傳媒訪問，他強調離巢只是想事業發展多元化，開拓海外市場︰「我唔想外界太多揣測，所以主動喺社交平台交代。其實三位（樂易玲、余詠珊及曾勵珍）都有留我，但我真係想試吓新嘢，?家仲有好多市場，好似內地、馬來西亞同新加坡可以開拓，亦有人搵我傾緊工作，但未有定案。去到呢個階段，我要鼓起勇氣脫離舒適範圍，結咗婚後又有咗小朋友，喺事業上要更加畀心機，其實唔係有生活壓力，只係更加有動力箒！」
問到將會否兼顧拍劇、做節目和做YouTuber？Jason說︰「其實冇乜所謂嘅，互聯網唔需要咁分，就算荷李活嘅Will Smith（韋史密夫）都自己拍片，我平時同Sarah遇到啱嘅題材都會拍。呢個決定真係唔容易，正如自己當年喺英國返香港，都諗咗好耐。」
  太太未離巢Jason強調今次離巢與冇獎攞無關，更指太太會繼續留在無綫︰「太太暫時冇打算離開，佢仲拍緊劇，而且佢有好大發揮空間。不過成件事，太太就畀咗我好大動力同支持我。」記者致電宋熙年，她就避談丈夫離巢，只謂︰「夫妻互相支持及尊重。其他Jason會喺活動回答，謝謝！」

離無綫 IS BETTER  ,NO PEOPLE SEE TVB

演技唔掂
做司儀講野一舊舊
只啱做英文台

Oh that was sad to heard that

其實都好正常，佢都ok靚仔

he doesnt know how to kiss ass

even though he plays main characher, he only participates in low-budget drama.

有個樣就穩到食啦，唔怕唔怕