HKGAY 同志資訊平台

同roommate住埋左半年，唔知由幾時開始會照顧哂佢日常生活。同佢一齊出supermarket買野，或者出去citysuper同AEON買日用品，已經成為左我地兩個星期一次既共同活動。我仲成日笑佢帶我去日本超市買野，仲提高左我生活水平。我一直以為，我地係兄弟，我地最多亦只係兄弟。但就來要退宿，一諗起唔再同佢住就依依不捨，無得再同佢一齊買野煮飯食，模擬住同佢同居既生活都終將要消逝。昨晚，我地買左支紅酒，一人飲左半枝，酒精上腦效應下開左個二人心事台，我地講左好多大家既成長，同對世界未來既期望，仲有愛情觀。佢：「你覺得唔生仔既婚姻，算唔算完整？」
我：「我覺得相愛，一齊到就好夠，歌都有得你唱『也許相愛很難』丫嘛！」
佢：「喂，唔好咁老餅啦，好老土呀。雖然我都認同。咁搞基又work唔work呢？」
突如其來觸動到我既神經，我選擇左沉默。
佢走埋來我張床，步步進逼，額頭對額頭咁埋我身。
佢：「你唔係話相愛就得啦咩？兩個男人點解唔得先？」
我太認識佢，聽聞以前有過女朋友仲要口花花成日撩女仔。
我：「愛愛愛？！咁好多野唔work唔係因為唔愛丫嘛，係因為生不逢時，wrong timing呀！睇多啲書啦 middle 都有寫《曾經錯過的時間 曾經錯過的你》呀，兩個人相愛就work? 日日響個社會度叫你死基佬你又頂唔頂到？咪撚玩啦！」
佢：「咁又唔係喎，睇你幾愛架姐。」
佢無啦抱左我一下，就返左埋床？呢一下，突然觸動左我一年來冰封左既心，忽爾為我帶來左久別重逢嘅溫暖。佢斯斯然返左床，無左講咩野，但又補左句：「無論個世界點都好，你都唔會唔理我架可？」To be continues ...

【HEHE!講呢D】健碩猛男教煮野?: http://hkgay.net/showthread.php?tid=117563