+- HKGAY 同志資訊平台 (https://hkgay.net)
+-- Forum: Main Discussions 主版討論 (https://hkgay.net/forumdisplay.php?fid=1)
+--- Forum: Dating & Images Area 【男生交友區】（貼圖、分享） (https://hkgay.net/forumdisplay.php?fid=15)
+--- Thread: You just don't know love.... (/showthread.php?tid=118161)
Pages:
1
2
You just don't know love.... - 卡查伊斯 - 2018-06-05
最近去左個旅行散心, 返到黎一直心囉囉攣, 因為我係當地認識左一位男人, 係我要返香港前一日, 佢係apps搵我, 約我出街, 本來係想去一d景點觀光, 但可惜落大雨, 我地轉左場去左coffee shop飲咖啡! 佢係Apps既相我覺得好靚仔好可愛(超似韓星) 所以我先會同佢出街, 但見到真人.....好似老左10幾歲咁...睇相似23, 真人似32...不過有一陣佬味, 其實我都okay佢個type...anyway, 去左coffee shop, 咁就傾計啦...唔知點解, 我份人對住一d岩岩認識既人會習慣性講大話, 我好驚佢笑我未拍過拖,所以就話自己拍左幾次拖, 有男有女咁, 咁順便share下我既愛情觀, (我有講到話我係一個好獨立既人, 我唔鐘意人地chur我...就算拍拖, 我都係要私人空間既人, 成日搵我會覺得好煩, 我唔鐘意) 之後佢就一句就對埋黎: You just don't know love....唔知點解, 聽完佢講, 心情好差...可能我真係無拍過拖, 唔明咩係love, 我無試過好鐘意一個人, 無試過心碎既感覺, 我無為男人喊過, 佢呢句說話係我心目中種低左...去到今日, 我無野做都會諗起佢話我唔識愛, 其實我係咪一個比較自私既人? 我係一個愛自己多過愛人地既人? 好想知道答案....我都想拍拖, 但我係超深櫃...我鐘意既睇唔上我, 鐘意我既我又食唔落...(我諗呢個圈個個都係咁...所以我唔會怪人...)
有冇人同我一樣? 如果我26歲但未拍過拖, 講出黎會唔會比人笑?
定係我下次直接講真話算....
利申: 未拍過拖但處已破, 都fun過....但唔係咁鐘意..
RE: You just don't know love.... - 拉爾思 - 2018-06-05
簡直無聊啦。未拍過咪未拍過囉。有乜好吹。
RE: You just don't know love.... - 維卡諾思 - 2018-06-05
你只是不懂愛
RE: You just don't know love.... - 羅伯納 - 2018-06-05
26歲未拍過拖又點？18歲已經拍n次拖都唔會覺得好威囉
RE: You just don't know love.... - 佛格斯 - 2018-06-05
I know how to love myself
緣份嘅嘢好難講，遇唔到就遇唔到
RE: You just don't know love.... - 瑪姆斯汀 - 2018-06-05
你這種人極自我及保護 不易信人 超獨立 工作及家人至上 要求高及完美主義 不管你幾多歲 等同女強人 冇人埋身 之後歲月催人 或卑躬屈膝 最後面對家庭壓力 周遭環境朋輩親友 仲有排你煩 係咁
RE: You just don't know love.... - Ocean1337 - 2018-06-05
係你太過挑剔啫
RE: You just don't know love.... - 皮爾斯 - 2018-06-05
You just don’t know love , true
RE: You just don't know love.... - 雷納德 - 2018-06-05
佢講出咗個真相，而你接受唔到啫。
其實有冇拖拍係講緣份，冇得強求。
RE: You just don't know love.... - 特蕾西 - 2018-06-05
咁愛有好多種既。個個人都係純粹講下。唔駛放係心上。因為無人唔會唔愛自己。個個人咁主觀咁話你唔識愛都已經係佢愛自己肯定自己既表現。所以識唔識愛都無乜標準。駛乜咁認真