+- HKGAY 同志資訊平台 (https://hkgay.net)
+-- Forum: Main Discussions 主版討論 (https://hkgay.net/forumdisplay.php?fid=1)
+--- Forum: Dating & Images Area 【男生交友區】（貼圖、分享） (https://hkgay.net/forumdisplay.php?fid=15)
+--- Thread: 我和媽媽都有男朋友 (/showthread.php?tid=117905)
我和媽媽都有男朋友 - Marlowe - 2018-04-17
Warning: 我既朋友會知我係邊個，不過唔洗cap番比我
長文自初中到依家，都有八年時間我係處於單親家庭既狀態
我唔係同我父母住，係同我另一個親戚兩個人住，生活還好
八年黎一早當自己冇左老豆，反正佢說到底都係賭錢再加第三者搞到眾叛親離
自己老母都係每個月見一次，噓寒問暖下咁，偶爾出下街睇場戲咁。去到半年前既一日，當我地如常一個月食一次飯既時候，佢突然咁講左一大堆由我未出世到出世後既故事，又話以前諗過落左我，不過見到已經成形，又要花一大筆錢做，最後聽左個姑娘講，冇落到
咁我都冇咩大反應既，反正都係過去的事
然後佢又講媽：呀仔，不如我地玩個遊戲，我想同你交換一個秘密，我知呢十九年黎，都冇好好咁同你傾過計，錯過左好多你既成長片段，我想用呢個機會好好了解下你
我：（猶豫緊出唔出櫃）哦。。。其實我想講，我對你同呀爸離婚呢件事都冇好大感覺 (下刪一百字廢話)
媽：我唔係想聽呢D呀，我想知，你有冇關於自己既秘密呢個時候，我心跳快到一個點，開始諗緊，不如同老母坦白啦媽：我睇得出，你諗咁耐係有野想講果然生仔係知仔心肝，我都係避唔開，要來的始終會來我：（深呼吸）呀媽呀，其實我有拍拖
媽：拿，呢D咪就係你唔講我唔知既野
我：但係... (緊張到手震口吃)，我唔係同女仔拍拖呢一刻我呀媽講左句：唔係女就係男架啦唉～我仲思考緊佢呢句係接受定唔接受既時候。。。媽：呀仔，我份人就好開通既，雖然我讀書少，但係，我好Open架，唔介意你好呢味野，我年中都見唔少啦。不過呢，呀仔你將來肯定係專業人士啦，係專業人士先好呢味野（係，當時我都係黑人問號緊，Gay同專業人士真係咁有關係?!）我：（有點想哭）咁就好喇，你明就好。
媽：咁你上次去日本肯定係同你男朋友去啦？點呀你同佢
我：散左啦
媽：咁快？呀仔拍左幾多次呀
我：七次啦
媽：嘩。。。你D ex排到落尖沙咀喇，我知現代人既愛情係… (下刪一千字，講關於專唔專一既問題)
我：呀媽，我次次都比人飛，我都唔想架最後，我比左我現任既相比佢睇媽：哈哈哈！你個樣仲老過佢，佢邊似大你三年，佢似細過你啦，個樣咁後生，似十七八歲 (我仔仔又係既，個個都話佢樣後生我好多，明明佢廿二歲都仲似十七歲，我反而十九歲似廿三歲)媽：我講好左同你交換秘密嘛，我都講番我既秘密啦！其實我都有左男朋友，同佢一齊左都大半年，仲一齊去左次旅行，有機會帶埋佢黎見你啦！最後，食完餐飯，我呀媽臨走前
媽：講完係咪一身都鬆哂呢～
我笑住咁望住佢
媽：黎，攬下先啦就係咁，我地響尖沙咀街頭擁抱對方，好暖，好開心，我感動到喊左出黎想同大家講，有時同屋企人出櫃只係差一點勇氣，當然，唔係個個人既屋企都會有咁開明既媽媽，不過，唔好因為咁而放棄同絕望！
——————————————————————————————————
後記，一個月後，我既生日飯媽：飲番杯先啦呀仔！
（兩枝藍妹既撞擊聲）
媽：（少少醉）呀仔，我想同你講好耐，關於你同男仔拍拖呢樣野。我想講，我一定支持你，因為呢樣野你根本冇做錯到，你咁多年都冇屋企人響背後支持你，一定好辛苦，我係你最親既屋企人，連我都唔支持你，點講得通？呀仔你要記住，我一定支持你，因為Gay冇錯。當然我果刻係超級感動，佢仲講多左一句
媽：呀仔你放心，我冇飲醉有你呢個呀媽，真係幾多風雨都唔怕。
RE: 我和媽媽都有男朋友 - 伊澤瑞爾 - 2018-04-17
媽媽好開通
RE: 我和媽媽都有男朋友 - 狄奧仔 - 2018-04-17
終於有返d勵志post
RE: 我和媽媽都有男朋友 - 賽格特 - 2018-04-17
点解專業人士就系gay嘎
RE: 我和媽媽都有男朋友 - 萊辛恩 - 2018-04-17
甜故 （家庭裝）
RE: 我和媽媽都有男朋友 - 卡查伊斯 - 2018-04-17
19歲就已經拍左7次拖 @@
RE: 我和媽媽都有男朋友 - 拉爾思 - 2018-04-17
(2018-04-17, 02:55 PM)卡查伊斯 Wrote: 19歲就已經拍左7次拖 @@
散拖都計咪得
RE: 我和媽媽都有男朋友 - 維卡諾思 - 2018-04-17
真愛就係想你愛嘅人得到真正幸福
而唔係你認為嘅幸福
RE: 我和媽媽都有男朋友 - 羅伯納 - 2018-04-17
有一刻以為你呀媽會話：你男朋友都係我男朋友呀，哈哈哈
RE: 我和媽媽都有男朋友 - 佛格斯 - 2018-04-17
(2018-04-17, 02:56 PM)羅伯納 Wrote: 有一刻以為你呀媽會話：你男朋友都係我男朋友呀，哈哈哈
我都以為個故事係咁發展