+- HKGAY 同志資訊平台 (https://hkgay.net)
+-- Forum: Main Discussions 主版討論 (https://hkgay.net/forumdisplay.php?fid=1)
+--- Forum: Dating & Images Area 【男生交友區】（貼圖、分享） (https://hkgay.net/forumdisplay.php?fid=15)
+--- Thread: 呢個世界冇0仔唔化妝? (/showthread.php?tid=118391)
呢個世界冇0仔唔化妝? - Blyth - 2018-07-28
話說早排有個傾咗都幾個星期嘅網友話約我出嚟見下，咁呢啲禮貌上都要嘅，橫掂我覺得有幾會發展。出到嚟去咗旺角，咁我見佢塊面白到白過黃夏蕙咁，直情面無血色。咁之前都講咗其實都傾咗幾個星期，見得嘅話都assume有發展空間。果然，佢係對我有feel嘅，於是晚飯之後我哋去咗個公園談心。席間，佢話想我錫吓佢睇吓有冇feel。咁我又唔想咁狼一嘢就錫咀，咁當然係錫面啦，點知...我...成個咀都係粉...
於是我問佢係咪用咗好多化妝品，佢話如果佢唔用化妝品，出到旺角會死咁話。咁之後我送佢搭車，我知道佢大概住邊，於是就話下次約就去荃灣或者沙田啦，重點係叫佢唔好化妝，我話明我唔介意你係咩樣，真面目示人係好緊要，如果有一日大家一齊住或者一齊瞓，唔通唔落妝就瞓咩...第二次見面約咗响荃灣。咁我搭緊架車去到秀茂坪，佢打電話嚟話佢啱啱起身未化妝要遲兩個鍾頭（當時已經係黃昏六點），我就話唔好化啦，一個鐘頭應該到荃灣喇掛。結果佢最後都係遲咗90分鐘，佢都係化咗妝。我問佢點解咁堅持，佢話因為佢唔想佢鍾意嘅人面對素顏嘅自己咁講。我就終於忍唔住問佢：
「咁係咪夜晚你都要化咗妝先瞓？洗唔洗去做運動游水都化？浸溫泉又化？」佢：「咁我都係因為覺得自己樣衰而化啫」我：「咁我夠樣衰啦，暗瘡都唔整理吓。又唔見我要化？」佢：「咁0仔梗係要化啦，呢個世界冇0仔唔化妝」我：「我識好多0都冇特別化妝，就算有，都係搽吓護膚品咁，或者只係薄薄一層，未見過好似你咁厚粉。如果你自己對自己都冇信心，咁點做人？」於是我真係同佢約法三章，話下次一定一定唔可以化妝，我入大西北係冇問題嘅。結果...（待續）
RE: 呢個世界冇0仔唔化妝? - 伊澤瑞爾 - 2018-07-28
我都懷疑佢唔係化妝品
RE: 呢個世界冇0仔唔化妝? - 狄奧仔 - 2018-07-28
期待第二集 haha
RE: 呢個世界冇0仔唔化妝? - 賽格特 - 2018-07-28
韓零妝？厚粉姐姐？
RE: 呢個世界冇0仔唔化妝? - 萊辛恩 - 2018-07-28
牆灰要刮左先用到架 傻佬
RE: 呢個世界冇0仔唔化妝? - 卡查伊斯 - 2018-07-28
(2018-07-28, 03:56 PM)萊辛恩 Wrote: 牆灰要刮左先用到架 傻佬
批盪、搧灰⋯⋯
RE: 呢個世界冇0仔唔化妝? - 拉爾思 - 2018-07-28
我都想搵個接受我唔化妝既樣既人
RE: 呢個世界冇0仔唔化妝? - yevod - 2018-07-28
我遇好多仔都冇化
RE: 呢個世界冇0仔唔化妝? - 維卡諾思 - 2018-07-28
呢個世界冇0仔唔化妝 WTF
RE: 呢個世界冇0仔唔化妝? - 羅伯納 - 2018-07-28
批盪咩，嘴下都成口粉？究竟可以有幾厚