+- HKGAY 同志資訊平台 (https://hkgay.net)
+-- Forum: Administration/Complaints 網務／版務／意見／投訴 (https://hkgay.net/forumdisplay.php?fid=6)
+--- Forum: Gossips / News in Gay Community 男同志熱話／新聞區 (https://hkgay.net/forumdisplay.php?fid=17)
+--- Thread: C1頭條】張敬軒關智斌打情罵俏 歌迷叫咀嘴 (/showthread.php?tid=118227)
Pages:
1
2
C1頭條】張敬軒關智斌打情罵俏 歌迷叫咀嘴 - cocofun - 2018-06-19
軒仔一連六場的演唱會，每場都請好友藝人做嘉賓，前晚第四場竟請了Boy'z兩位成員關智斌和張致恒（Noah），當Kenny驚喜現身舞台時，全場尖叫拆天。
Boy'z升上台與軒仔合唱《死性不改》，觀眾歡呼狂叫，聲浪大到掩蓋Kenny的歌聲，唱到一半的Noah抵死問Kenny：「點解你會嚟做嘉賓嘅？」Kenny理直氣壯答：「我鍾意呀，你吹呀！」觀眾又再high爆吶喊。三人合唱完後，就算只是Noah說話，觀眾都叫到拆天，軒仔笑說：「我都唔知你哋叫乜。」接着望着Noah說：「你講嘢佢哋都叫到咁。」轉身指着Kenny笑說：「咁佢講嘢……」觀眾勁合作發出狂呼，被陪襯的Noah抵死說：「我完成任務啦，我落台先！」軒仔即阻止：「你講嘢呀你！」
由於觀眾反應太激烈，軒仔笑說：「知唔知乜叫無敵嘅既嘉賓呀！」Noah即刻指着Kenny，想不到Kenny竟主動企到軒仔身邊，還用手攬着軒仔，鬼馬笑說：「我企到咁都仲得呀。」軒仔表示Boy'z是自己初入行相識的好朋友，所以決定第一次六場紅館個唱，一定要請他們來分享。他又搞鬼說：「既然咁耐冇見，有啲私人恩怨想喺度解決，我聽講網上有人寫咗個故仔，話你哋兩個為咗我係salon打交，究竟係咪？」Kenny即搶答：「你諗多咗啦張生！我哋兩個成日打交㗎，每次打完交，Mani就會打嚟，佢話：『打還打唔好打面，話晒靠個樣搵食。』」
而Noah則坐埋一角睇戲，軒仔問他做甚麼？Noah抵死說：「我見你哋咁耐冇見，畀你講埋先囉！」軒仔反擊：「你又知我哋好耐冇見？」觀眾即起哄大叫：「嘴佢！嘴佢！」之後軒仔正經多謝Noah由橫店趕回來做嘉賓，Noah再抵死問軒仔：「我想問你，你做乜多謝我，唔多謝佢？」軒仔答：「我點會唔多謝佢，我仲要恭喜佢做咗業主嘛！」Noah轉矛頭玩Kenny：「你都仲未講，你點解會嚟做嘉賓？」 Kenny說：「我嚟報仇呀。」Noah再狙擊：「報乜仇？隔夜嗰啲呀？噚晚嗰啲仇呀？」全場爆笑，兩人沒有招架能力，最後三人再合唱《La La世界》告終。
RE: C1頭條】張敬軒關智斌打情罵俏 歌迷叫咀嘴 - dovey - 2018-06-19
hehe showmancd
RE: C1頭條】張敬軒關智斌打情罵俏 歌迷叫咀嘴 - heihei69 - 2018-06-19
好搞笑 佢地
RE: C1頭條】張敬軒關智斌打情罵俏 歌迷叫咀嘴 - scat - 2018-06-19
閃死人咩
RE: C1頭條】張敬軒關智斌打情罵俏 歌迷叫咀嘴 - TheCure - 2018-06-19
why so 閃閃閃
RE: C1頭條】張敬軒關智斌打情罵俏 歌迷叫咀嘴 - 竹青ting - 2018-06-20
大大力錫落去啦
RE: C1頭條】張敬軒關智斌打情罵俏 歌迷叫咀嘴 - 明兒^6996 - 2018-06-20
又放閃
RE: C1頭條】張敬軒關智斌打情罵俏 歌迷叫咀嘴 - kukuku - 2018-06-20
哈哈 好有攻擊力既電燈膽
RE: C1頭條】張敬軒關智斌打情罵俏 歌迷叫咀嘴 - sexxxdreams - 2018-06-20
張敬軒唔係christian咩?
RE: C1頭條】張敬軒關智斌打情罵俏 歌迷叫咀嘴 - wongsi - 2018-06-21
好正啊，去左現場睇，boyz都好正