+- HKGAY 同志資訊平台 (https://hkgay.net)
+-- Forum: Main Discussions 主版討論 (https://hkgay.net/forumdisplay.php?fid=1)
+--- Forum: Straight curious, bisexuals Dating & Sharing 【直男／Bi仔區】 （貼圖、分享） (https://hkgay.net/forumdisplay.php?fid=21)
+--- Thread: 有冇人同過自閉症人士拍拖？ (/showthread.php?tid=118247)
有冇人同過自閉症人士拍拖？ - 瓦爾特 - 2018-06-24
我自己係大學生，成日會去學校入面一間社企餐廳食lunch。餐廳入面有個男侍應，應該都係二十歲左右，斯斯文文既鄰家男孩咁。佢好怕醜，每次有客問佢野，佢都會搵佢啲同事幫手，而佢同其他同事講野時既語調同肢體動作都有啲古怪。因為我以前曾經有一段時間去有自閉症小朋友的院所做環遊世界，接觸過自閉症患者一段日子。我幾肯定佢係自閉症患者。佢平時見到我同我有眼神接觸時，會耷低頭面紅紅咁。一般係果間餐廳點完咖啡都係等嗌number自己出去攞，但係佢沖完咖啡(佢負責沖咖啡)後又會攞埋糖、匙羹、紙巾之類主動走來我嗰位比我，然後又靦靦腆腆咁對住我笑。初頭我淨係覺得佢幾有禮貌，算係幾親切的一個人咁，每次係餐廳見到佢都會點頭微笑之類。而佢慢慢亦冇咁怕同我相處，大家見到面開始會講一兩句簡單說話，虛寒問暖個d。直到早排當我去食野既時侯，佢走咗過來，遞左個A5 size左右既橙色信封比我。我初頭唔明佢做乜野，諗住打開來睇下。但係佢叫我唔好係度打開，遲啲先睇。於是我等到返屋企嘅時候先再打開。入面裝著一張卡，雖然張卡好似有d卡通但上面的字體十分工整。內容大約係話佢同我認識咗一陣覺得同我相處好開心，又話覺得我好可愛，想同我拍拖。我睇到呆左，唔係好識俾反應。老實講，同自閉症人士拍拖唔係一個問題。而佢睇落亦都正正常常似係一個好男仔。但問題係，我真係無諗過我平時去開果間餐廳既侍應會突然話鍾意我，更加唔好講拍拖啦。但係我應該點答覆佢好阿，如果一走了知以後唔再去果間餐廳又好似好衰，如果同佢解釋我其實同佢唔係真係認識咁深，我又怕會hurt到佢，始終佢個人比較敏感。如果你地遇到咁嘅情況會點做？求救...
RE: 有冇人同過自閉症人士拍拖？ - 羅伯特 - 2018-06-24
咪鬼再去喇....你盞攪到人癲咗
RE: 有冇人同過自閉症人士拍拖？ - 休威爾 - 2018-06-24
視佢 好似「一般人」 咁 .... 沒那麼愛就不要拖住人地啦 ^^
RE: 有冇人同過自閉症人士拍拖？ - 佛瑞哲 - 2018-06-24
唔關自唔自閉事，你大可以回佢做左朋友先，認識深d先再講
RE: 有冇人同過自閉症人士拍拖？ - 詹姆斯 - 2018-06-24
我覺得可以相處下先
唔係背景問題不過只係客既關係就已經要去到拍拖?
RE: 有冇人同過自閉症人士拍拖？ - 路卡斯 - 2018-06-24
咁咪直接講 我都覺得同你相處幾舒服幾開心，我地可以再認識多d先。不過我覺得，好似搵個社工朋友問下點覆好d
RE: 有冇人同過自閉症人士拍拖？ - boboj - 2018-06-24
自閉人士好難相處
RE: 有冇人同過自閉症人士拍拖？ - 艾德翰 - 2018-06-24
利申非專家，純9up)
如果一走了之，感覺可能佢或許再都難以鼓起這勇氣，跨出這距離？
RE: 有冇人同過自閉症人士拍拖？ - Goblin - 2018-06-24
其實我唔了解自閉症，但感覺佢畀「一般人」還要勇敢，至少佢比起係度尋人既人都仲要勇敢
如果畀我，可能就回返封信畀佢，謝謝佢既錯愛 (?)
RE: 有冇人同過自閉症人士拍拖？ - Ogre - 2018-06-24
如果唔抗拒咪做下朋友先囉 直接講無興趣 不過可以做下朋友先