我覺得你已經做得好好，係你既能力範圍內盡量令關係均稱，奈何始終滿足唔到佢既消費習慣，而佢又無體諒同尊重你既處境；可能佢本人一直都係咁既生活，手起刀落都係幾萬蚊，所以理解唔到你既生活，而聽到你話返學上莊兼職拍拖夾埋真係會好攰
我諗兩個人係埋一齊，唔單單係咪經濟上既差異，甚至性格、工作、時間等等，都需要兩個人懂得互諒互讓，如果大家只按自己既步伐行，點都會令對方跟唔上，行得辛苦
即係佢唔會幫你比？ 我明你覺得唔係應份，不過通常有錢個方會覺得比埋你個分係好正常。你講得唔係太清楚，我唔知實際上係點。
竹門對竹門，木門對木門。 有時背景差異太大係好難一齊，大家價值觀唔同，見識唔同。 好似食飯，唔好話情侶，我中學食lunch都有呢個問題，我唔想食茶餐廳，想食米線，茶餐廳約32-34，米線約40，貴6～8蚊左右。然後同學已經話好貴，要去食茶餐廳...
不過去旅行係大問題，我想問係你堅持要自己搭廉航定係？～？因為去旅行去到咁不如唔好去？ 一係就佢就下你一齊搭廉航，一係就佢出埋你張機票。 分開去好無意思。 另外，住酒店應該係男朋友比吧？ 如果係咁我覺得無問題，如果要你share就無體諒你。
買電話個度你既意思係佢剩係嘈你唔買比你？
最尾個總結埋怨你難得佢請到假你又無錢去同佢玩，呢點又唔可以怪佢，因為做投資既真係好忙......
如果你想唔清，可以pm我傾下LoL
其實我覺得已經唔係錢既問題
樓主既情況就好似我同我男朋友咁，我公屋企佢半山仔，喂但係一齊去旅行既，佢坐得起商務頭等都好，都係會同我一齊開個apps睇廉航既機票
其實已經係大家性格會唔會遷就大家既問題，同錢完全係無關係
樓主條仔唔會去遷就下體諒下樓主既，長此下去樓主只會愈黎愈辛苦
讀完U之後仲要面對更多，到時更加無錢用，而佢既人工只會愈搵愈多吧，佢唔理樓主你既話大家距離只會愈黎愈遠