如果同佢去旅行，佢要你自己坐廉航，佢自己坐商務～ 呢啲飛得⋯⋯
呢個世界不嬲好現實，唔係話搵到個有錢仔嫁咗佢就得，事實上生活上會有好多細節係要忍耐同體諒。
對方係真係有錢，都唔代表要補貼個窮嘅男友，你可以話對方唔體貼，但你自己諗下如果係你識著個月入萬一蚊最低工資嘅男友會點，長貧難顧。
所以，竹門對竹門從來都啱，搵個一個同自己各方面都差唔多嘅就唔會咁辛苦。
除咗身家同月入外，學歷，工作經驗，職位等等都唔係咁容易遷就到嘅野。莫講話年齡身高體重外表打扮呢d 外在野啦。
雖然唔係鼓勵你地分手，不過我覺得佢其實好唔顧及你感受。即使去旅行要分開飛，我覺得無問題，到埗先會合。一齊去得玩，其實都係想開心，但如果佢唔體諒你，樓住真係可以好好考慮一下呢個人係咪適合你
一句講晒「感情中，捨得給你花錢的男人，不一定愛你；但不捨得給你花錢的男人，一定不愛你」
唔係叫你貪佢啲錢，但連遷就你的經濟情況而降低自己的要求都唔會的話，呢個人對你好極有限，飛左佢啦～
「感情中，捨得給你花錢的男人，不一定愛你；但不捨得給你花錢的男人，一定不愛你」 呢句我唔係太認同
但係連遷就對方降低自己要求都唔做既呢樣野我好認同@@
(2018-06-18, 02:50 PM)Gogo Wrote: [ -> ]「感情中，捨得給你花錢的男人，不一定愛你；但不捨得給你花錢的男人，一定不愛你」 呢句我唔係太認同
但係連遷就對方降低自己要求都唔做既呢樣野我好認同@@
例如：明知你鍾意飲咖啡，行過Starbuck's買杯咖啡都同你計番錢，咁有幾愛呢？又例如：行開MK掃街篤串魚蛋燒賣都要計番一人一半錢的話，我真心覺得呢個男人好小家囉。我對自己的朋友都唔會咁啦......
如果係一齊有經濟計劃，一齊計住數去慳錢係ok
如果係AA制 都ok，但要一開始就講清楚
其實我對呢啲無乜感覺 ?佢買完要計返錢我咪照比，又無咩特別去諗