【最強幻覺】屈原渴望體驗情慾 楚懷王發出女聲

[babyflyn]

由本地漫畫家江康泉（江記）領軍製作的科幻動畫《離騷幻覺》，構想出一個揉合戰國時代和五、六十年代香港的空間。 

機械人無端擁有屈原的記憶，並渴望體驗人類的情慾。 

屈原手執一張由紅磡開往汨羅江的車票，登上蒸汽火車，尋找靈魂失落的秘密。 

中國文學作品，多如恆河沙數，為何偏偏選中戰國時代的《離騷》？ 

「細個讀文學嘅時候，讀屈原嘅作品，讀《離騷》，嗰陣時覺得好深，溫書、考試嘅話就大鑊啦。」 

學生時代的回憶，不過是開玩笑。《離騷》吸引他的地方，既有屈原對故國和楚王的堅持，也有文字帶給他的震撼。 

「你想像以前一個唔係好似我哋而家，以影像支配所有嘢嘅世界，佢想像出嚟嘅空間係好遼闊、好多視覺嘅刺激、好多香味、好多諗法。」 

但將戰國時代和五、六十年代的懷舊香港扣連在一起，是因為兩個時期都是百花齊放，多姿多彩。兩個風馬牛不相及的時代，就此碰撞出種種無邊無際的幻想。 

「五六十年代嘅香港，好貼近共產社會，但又其實係一個資本主義，或者末期帝國主義嘅領土，又喺亞洲一個好中心嘅地方。」 

「有好多神秘組織、地下活動喺香港嘅地下世界入面角力、爭持。呢個係我對香港一個好重要嘅睇法：佢好細好細，但同時間係一個世界嘅縮影，反映咗成個世界嘅格局。」 

而且那時代的香港，對江記這名七十後而言，充滿距離感，但又新奇不已，令他愛不釋手。 

「佢有一種風味，而家比較少保留到落嚟，就係一種南亞風味，但嗰種南亞風味又會同一啲歐陸建築mix埋一齊，而家我哋比較少見到咁簡樸，但係又混合得咁出奇嘅設計。」 

「可能因為以前密度低啲，但你覺得個空間或者啲人嘅gesture，係有種優雅、從容不迫喺度。」 

《離騷幻覺》中的屈原，既是帶走靈魂的祭司，也是名人見人愛的搖滾巨星，楚王是他的青梅竹馬。「佢哋有個工作室，成日做埋啲無謂嘢，喺度整下機械人、屈原又整下結他。」 

「但礙於佢自己嘅身分，大個後做好多決定，已經唔能夠隨心所欲。」 

歷史中的楚懷王，被秦國說客張儀所騙，割地不成，攻秦大敗，最後慘遭軟禁，客死異鄉。動畫裡的楚王，同樣只是眼白白看著無數楚軍戰死沙場。 

楚王眉清目秀、打扮中性，而且以女性為其反串配音。江記如此設計「他」，是因為動畫內，古與今的界線很模糊。 

「歷史就係不停重複，幾千年嚟，你如果攞本歷史書，搣走咗啲人嘅名，發生嘅事情係一模一樣。」