爆筋溫家偉曬大肌肌威到星洲：真係好想拍多啲片!!！

[TAT]

大隻仔溫家偉為了這套新加坡校園劇，狂操44吋胸再加8嚿腹肌，比選《香港先生》時期更加fit。在無綫當藝員，除了要識做戲，亦要識等，等公司睇起，等監製給機會，有人選擇乾等，不過香港先生出身的30歲大隻仔溫家偉（Alan）就選擇主動出擊，在無綫發展平穩的他，讓人最有印象是主持《搵食飯團》，及在劇集《鬼同你OT》飾演「高矮肥」之一。而新加坡方面就相當欣賞Alan，早前出6位數字酬勞包埋機票住宿，請他拍校園劇《Faculty》，劇中當第二男主角。他接受《香港01》訪問時說：「我去新加坡拍了4個月，劇中我做一個富家子，做奸㗎，又殺人又強姦，同我在TVB做的角色很不同，好有挑戰性。」

 


大隻仔最令人記得的角色，應該是在《鬼同你OT》飾演「高矮肥」之一大隻仔在劇中全英語對白，更為了這個劇加操兩個月，甩掉15磅肥膏，他說：「我是肥底，所以要跑好多，我一瞓醒就出去跑大約30至50分鐘，戒口就一定啦，跑完返嚟隊12隻蛋白，菜呀、下午食果仁啦，乳酪，雞胸肉，每日都要食8餐，每兩個鐘頭左右就要食嘢，同埋最緊要係夜晚八點後不進食。」大隻仔希望可以打開新加坡市場，因為他好想拍劇，他說：「其實去邊到都要等，我喺TVB已7年左右，我拍劇就好少，可能我中文唔好啦，綜藝節目我就好多，我好多謝佢哋㗎，但我真係好想拍多啲劇，咁咪自己喺到等下先，所以出面有機會都好開心。冇TVB都冇人識大隻仔啦，所以我喺TVB都唔會灰，如果之前無拍《鬼同你OT》、《衝綫》，有返啲演戲經驗，今次新加坡呢個機會，亦未必做得好，所以都多謝TVB，我亦會繼續勤力。」態度正確呀！

 
溫家偉自言身材更勝選《香港先生》時期。（溫家偉提供）

溫家偉在新加坡校園劇《Faculty》飾演大奸角，又要強姦、殺人，認真估唔到。

 

呢啲相係睇唔厭，溫家偉練得好辛苦㗎！
 

不同角度再欣賞下。

 

溫家偉現為無綫新劇《誇世代》開工