【男生的男生】前度，您好嗎？（慎入）

[MCM2018]

前度，您好嗎？ 《長文，慎入》



"「你幾好嗎？」尋晚突然間收到前度嘅message, 話佢自己一個喺我屋企附近行緊。

我地一開始有少少一見鍾情（或者只有我咁覺得吧)，咩都傾一餐！ 拍左3個月之後，佢突然間唔見左。兩星期之後，佢話我地性格不合分手，而我都冇點挽回，因為我覺得玩失蹤係最接受唔到！ 一開始唔係更加應該有商有量咩？


一眨眼，原來已經冇見4年啦！ (唔知大家會唔會同返前度做朋友呢？ 我嚟講，係唔會！怕尷尬又好，怕自己亂諗野又好，尤其知道佢已有另一半而自己有，內心都仲係會唔舒服。) 結果我都有落去樓下同佢見面，一傾就兩個幾鐘。 


我發現即使過左4年，我依舊覺得佢好charm! 外貌滄桑左，但對自己嘅理想同埋興趣仲係好有熱誠，不停話比我聽依家讀緊咩學緊咩。 相反覺得自己一直原地踏步，尋尋覓覓都唔知自己想點。 言談之間，原來佢已經同佢另一半有3年半啦，嗰一刻我好想講：乜我地散左半年，你已經有新歡啦？ 但係，我冇咁講到，反而講：今次你要好好珍惜啦！



我想講：同前度見面原來係一件幾溫暖嘅事，好似見返一位老朋友咁。雖然大家變左好耐，但係喺大家心底嘅回憶都依然係美好，佢會記得我怕凍，我會記得佢有嚴重鼻敏感，然後互相問候。
最後，要在對的時間遇上對的人，真係好難。遇到了，請不要輕易放棄。
祝您幸福！"