我係咪犯賤呢

[MeiFungKwan]

"我今年25了，16歲的時候，計埋都成9年，因為佢放棄左本身話一齊嘅一個男仔，因為當時真係好鍾意佢，佢當年好似22歲。

嗰陣我都幾痴纏，日日msn佢，當時自己住深圳佢係香港返工，日日都要翻牆上Facebook睇下佢update左d咩⋯最後終於約出黎見面，我係chi之堡買左一套完全唔係我風格嘅恤衫黎著，佢約我打邊爐，同佢朋友，又好似冇乜話題，不過我地走個陣佢俾左一個擁抱我，搞到我從此對佢念念不忘。

我人生第一次飲醉酒，佢湊左我返佢屋企，我咁就冇左隻豬，之後個晚應該嘈到佢屋企人訓覺添，第二日出去大廳見佢屋企人我已經無地自容，從此之後佢越來越少接觸我，當我唔願意承認但我都必須話比自己聽，我被放棄了，佢一定鍾意左第二個。

好多年後係酒吧見到佢，佢飲醉左，我又會坐過佢到比自己件外套佢，又會照顧佢，但佢酒醒之後都係繼續同朋友玩，最後同佢返屋企嘅又係另一個。

佢有男朋友返大陸玩又會約我，但我明明好想只同佢一齊，可惜佢已經有另一半。 結果八年後係條街到撞返佢，開始同佢傾返，好想彌補下以前冇得到過嘅野，佢同我講，佢啱啱分手，唔想拍拖、連fun都唔想。

上幾個禮拜係bingbing，成日見到佢身邊d仔貨如輪轉咁，上個禮拜左右仲好高調咁宣布佢又拍拖了，重點係：佢好錫佢男朋友，唯一佢唔錫嘅就係我⋯ 我真係好犯賤，雖然唔係話冇左佢會死，又唔係迷戀佢，但無論佢幾賤我都係會鍾意佢。 單身左六年，同事朋友個個都覺得我一定有拖拍，其實不然，我一直都等緊一個合拍嘅人，可惜好難搵。

純粹分享，多謝收看。