無啦啦做咗人哋嗰孫

[皇仁仔]

我男朋友係係澳門人，我哋係澳洲讀書嘅時候識到對方嘅。
畢業之後我哋都算係好彩，係Perth搵到份工，仲住埋一齊。
有一次，佢嘅父母嚟咗澳洲探佢，好自然咁就住係我哋屋企啦。
雖然平時我哋都係住同一間房，但為咗掩人耳目，我哋租嘅係間屋係有兩間bedroom嘅。

 佢就同佢父母講我係佢housemate，佢將自己間房讓咗出嚟俾佢哋瞓，
而佢就要係我間房同我迫幾晚。其實我就覺得佢父母份人都幾nice嘅，
次次煮嘢都預埋我，仲叫我下次去澳門都住係佢哋屋企。

 記得係佢哋臨走前一日朝早，我起身之後，我條仔已經去咗公司。
我沖完涼照常去廚房搵啲嘢食，我見到佢阿媽係度煮緊brunch。
我就禮貌性咁話：”Auntie，你煮嘅嘢真係好香喎，可惜過咗聽日就食唔到嚕。”

估唔到佢阿媽好serious咁望住我話：”仲叫Auntie？唔係應該改口叫嫲嫲咩？”
我即刻就傻咗，”吓”咗下。佢阿媽又講：”

呢幾晚我明明都有聽到你係間房度嗌我嗰仔做阿爸，咁你仲唔應該要叫我嫲嫲？