【《親親我好媽》彈起】King哥做背後軍師 郭子豪45日谷爆肌

[iceland]

【《親親我好媽》彈起】King哥做背後軍師 郭子豪45日谷爆肌






仲記唔記得佢呀？舊年《親親我好媽》個籃球王子，同miss陳敏之示愛嗰個呢！郭子豪就係憑呢套劇彈咗出嚟！呢期郭子豪有份拍嘅《翻生舞林》、《三個女人一個「因」》同時播，又要為Big Big Chanel主持個健身節目！好有人氣。

 睇佢大隻咗好多，爆晒肌咁，搞咩呀？原來郭子豪想做爆肌男，想再實淨啲，雖然有健身中心贊助佢操嘢，不過佢嫌唔夠。最後，佢搵咗個健身界猛人兼好友趙勁皓King做背後嘅軍師，雙管齊下話咁快，只係用咗45日，就操到爆晒肌，好有台型好man！睇真啲，真係好勁，十足卡通片入面嘅大力水手popeye咁！咁又係呀，大隻啲又真係有睇頭啲嘅，TVB唔夠小生用，郭子豪外型好又靚仔，做戲又唔差，最重要係佢後生，得26歲！大把時間！唔怪得拍完《親親我好媽》後，可以劇接劇咁拍，而家播緊嘅《三個女人一個「因」》，仲同女主角黃智雯有感情線，聽聞仲有好多床上騷肌戲添！


http://nextplus.nextmedia.com/news/ent/20180313/575809