純粹發放負能量 其實我只係想做一個正常既男仔

[facetdarkness]

想有一個地方可以唔使帶住面具講自己呢廿幾年 

小弟讀書好差 文筆唔好 表達得唔好既Hi細力d 同埋好可能打到好長又離哂題係到講聲對唔住先

大家好！我叫開奶茶 今年廿四 小小MK 個樣叫睇得順眼 可惜我係鍾意男仔 

典型香港廢青 讀書唔成，讀到中五就無讀落去，會考當然差到飛起啦 

係中學既時候返學只係同同學吹水，玩，訓教 放左學之後就返去打機 MSN 

中二開始學壞 學食煙飲酒，放假就出去 玩到凌晨先返屋企， 

身邊既朋友都係圍繞住玩 食 媾女...... 

就係媾女，媾女呢樣野對我黎講係一個禁忌既話題， 

每當有朋友講起呢一個話題 個人就會緊張起上黎， 

腦海要立即諗出幾萬個既借口，所以慢慢 

開始去諗借口講大話就變成左一個習慣， 

因為講大話可以逃避好多不必要既野... 

（利申返先：我唔係主張人地唔好歧視要同化人 

可能我既生活圈子係大眾認為既正常生活 所以 

我拍拖去睇戲拖下手都會好驚好緊張 可能我企得 

係"正常人"既睇法睇得多 連我自己都覺得比人見 

到會好嘔心 所以我盡可能都用"正常"一面去視人） 

由知道大話係可以幫到自己之後 開始慢慢事無大 

小都會去講大話，對同學 朋友 老死 連自己既另 

一半 都係無限咁多既大話 原因就只係唔想比人 

撕走我呢塊面具 

講返中學，當時知道自己既取向之後，開始 

去上網慢慢摸索，想當年後生仔 唔怕死 亂咁去 

認識唔同既圈中人，幸好無發生到d咩，反而令 

認識到呢個圈子好多唔同既野。 

大約中二左右啦，我認識到第一位男朋友，姐係 

我既初戀 佢同我差唔多大 

睇落好細個 但對"性"原來係已經好熟悉 

在於我係一個青頭仔 所以個陣非常被動 但要發 

生既都發生哂 詳細唔多講唔 因為唔係寫甜故 

當我以為我搵到一個可以相愛既人既時候 

佢突然間就消失左 電話 MSN 短訊 完全無回應 

就好似係地球消失左咁 而我心裏頭都好似有一 

忽唔見左咁 我好心痛 我係到諗我係咪做錯左d咩 

我係咪太樣衰嚇走左佢 但隨著時間慢慢咁過 

我終於知道 其實係呢一個圈子就係咁運作 

男人天生就係咸濕 由其係呢個圈子好流行一種 

快餐文化 簡單直接 見面 岩傾 扑野 就係咁簡單 

無野需要負責 更加唔會大肚有手尾 就係咁 

我開始跟著呢套文化去行我呢條不歸路