好辛苦 大家教教我可以點做??

[Gogo]

其實呢⋯⋯我覺得學業一件事，借性愛逃避現實係一件事，性方面嘅喜好又一件事。

首先你問問自己仲想唔想讀落去。其實無人一定要你讀上去。你如果真係好唔想讀，咁唔好讀啦。晒時間。仲有，你當然可以享受俾人包嘅生活，但你自己好清楚，以色事人終有一日色衰愛馳。唔係你想像中咁易㗎。

如果你其實仲想讀上去，搵性嚟等自己壓力無咁大都唔係問題㗎。但你始終要諗方法讀上去。問同學又好，問導師又好。

至於暴露癖、喜歡大叔、喜歡做愛⋯⋯其實真係唔係問題⋯⋯我認為無問題㗎。你無影響日常生活，無傷害到人就做自己啦！