【離離合合N次】係真愛呀！關智斌做張敬軒個唱嘉賓（足本版）

[qqfun123]

【離離合合N次】係真愛呀！關智斌做張敬軒個唱嘉賓（足本版）






係呀！大家冇睇錯，呢個真係小斌女Kenny！佢係17號晚張敬軒嘅個唱嘉賓，係咪好爆先？除咗Kenny，仲有Noah張致恆，佢哋咪係Boy’z囉！對上一次幫人做個唱嘉賓，仲記得係Twins喺15年嘅演唱會。

17號下畫，Kenny現身紅館為軒仔嘅個唱綵排，聽講佢一去到，就好似女主人咁，勁受歡迎！佢同軒仔算係公認嘅一pair，07年一齊到16年分開，呢十年間離離合合N咁多次。

不過，真愛呢家嘢真係好難講，歌仔《愛到分離仍是愛》都有得唱啦！係咪？

以前佢哋仲係一齊時，每次軒仔開騷，小斌女一定係座上客。今年，軒仔同小斌女因為愛犬飯糰死咗，關係再度緊密番，就係咁，愛火重燃！撞正軒仔開騷，之前幾晚搵咗容祖兒、胡定欣同陳慧琳做嘉賓，原來第四場先係爆點！軒仔一直都好想請Kenny做自己個唱嘉賓，終於等到喇，佢搵Noah孖住Kenny以Boy’z身份上台，現場氣氛谷爆咗，呢一刻，覺得Noah好偉大！