長文喔～慎入: 潘金蓮都要有楊乃武先發到姣囉唔該

[Zachary Chan]

是咁的，最近有兩個朋友係我背後話我搶佢地條仔，但一個巴掌就拍唔響嘅，我真係要搶就唔洗等到你發現先搶啦！

小弟今年廿六但個樣就停左係十七，比較遲入圈，3年前先拍第一次拖，拍左年零就俾一個幾fd嘅同學撬左我長腳，撬完仲教化左我其實我個ex咁容易就俾人撬到都唔方好仔，咁果陣聽落又好似都啱喎，咁散左之後有少少唔太相信愛情但又有需要咁點呢？咁我咪開始食返我啲好朋友嘅男朋友囉。

但因為我自己受過傷都知道食完又搶埋對好朋友有幾hurt，所以我呢兩年都抱住淨食唔搶嘅宗旨，咁講真我啲好朋友成日叫我陪佢地出街，陪陪下又要叫埋條仔出黎曬恩愛，又話我其實條件唔差，比心機識人一定都會好似佢地咁幸福，但個問題唔係我唔想識，而係識親嘅你地所謂嘅好男仔好死唔死就係你地本人條仔囉！

背後講我嘅第一個係帶我入圈嘅死黨，係佢第一個係大學睇得出我係member而又主動介紹我去識佢嘅朋友圈子，就係咁我散左之後有晚佢竟然好心到叫左佢條仔黎我屋企車我出去陪我散心，而佢本人係自己去，嘩大佬我剛剛先散咋，你就叫你果個當你如珠如寶人人眼中都係廿四孝好仔嘅男朋友出黎，我上到佢架車見到得佢一個你唔係度，我點忍手呀-_-

不過我又估唔到我忍唔住摸佢下面時佢又唔反抗喎，仲話等間去到扮冇事，我仲唔用盡渾身解數去訴苦咩，點知搞完講明係當散心架咋嘛，果晚過左幾日，佢地呢對神仙眷侶就鬧分手，話咩性格不合，講真我唔覺關我事囉，佢叫佢條仔黎車我嘅，我摸時佢條仔又冇反抗，我願姣佢條仔願＿，怨得邊個，雖然散左佢條仔有搵我，但我仲出於朋友立場say埋no架喎，仲想點呀？

背後講我嘅第二條仲荒謬，就係當初佢撬我長腳先嘅果位人兄，話說佢搶完我初戀半年貨仔就冇左，然後識左個消防員，仲日日post ig , fb , 驚死人唔知佢食果個係 消 防 員 咁樣，但因為我就其實對制服or肌肉冇咩特別憧憬，純粹係嘴邊有肉咪擘大口嘅心理，咁果位想向我地炫耀嘅人兄就拍得個零月已經急不及待咁約佢條仔出黎話想俾我地飽下眼福咁話喎

哼，果餐飯完左，你知唔知除左阿Kxt之外，我地個個都被你條仔follow左ig同加左fb，唔怕馨香同你講，你而家同緊果啲你以為係兄弟嘅人，一齊話我賤格嘅人入邊，都有係你任內同你條消防員玩過架，我只不過係主動同你坦白嘅唯一一人咋 :"") 真係承你貴言，多謝你特登帶佢出黎俾我地幾乎全部人飽哂“眼”福，仲好滯果隻！

即係我而家講出黎唔係話要澄清啲咩，我亦冇咩內疚，但真係架講真果句，因為兄弟個樣而留唔到自己條仔呢，講出黎俾人笑唔係我，係你地兩個囉～

由其你呀消防喉轆，你同果啲都拉過條消防喉嘅兄弟講我壞話嘅同時，我地另外果個群又何嘗唔係笑緊你懵然不知呢。你係威咪cap你條仔同我啲對話俾人睇下囉，我多謝你幫我宣傳添，但傻妹，你跪地求個消防員同返你一齊果陣記住望下條仔有冇電話係手呀，再俾佢影到你人前鬧我狐狸精人後冇自尊跪地求復合，佢擺左上fb鬧你煩但你又唔知，好瘀架，哈。