好寂寞，感覺好難揾到fd,莫講真愛

[Imp]

既然你誠心誠意咁問，我就大發慈悲話你知啦 :o
首先可能學習用`唔`字代替吾，`咁`字代替甘 etc，方便大家進行文字交流 ? 我諗好多人都頗介意 (?)

然後可能係對方覺得你唔係佢個 type，所以對交談都興趣缺缺，不過順便講下自己點睇用 app，其實多數人都係望高處，同自己差唔多既甚或更差既都睇唔上眼，會出擊既都係個 d 可能就高汁到對方都唔想睬你既類型 (好似係) 唔知你係唔係屬於呢種情況，係既話可能撞板機會又會提高 (?)

同埋有時 dead air 已經係佢發放畀你既 signal，chur 對方去覆基本上已經無咩意義，有心想傾計點會拖你一日兩日先回 message？你 chur 只係令對方更唔想覆你，至於主因同上面個段都或許相關

至於無朋友同想搵 Mr. Right，某程度上都係兩回事，如果你生活圈子大部份都係只得男朋友，可能未必個個人都鍾意，我覺得建立好自己既社交圈子都好重要，唔需要多，我自問都唔係一個好 social 既人，不過好好彩係大學都有一班好好既朋友；既係你有勇氣係 ig 上 yo 唔同既人，應該都有辦法係現實中 yo 人既 (講緊唔一定係 mb friend)
如果係好 fresh 既話，參加一 d 活動識下其他 freshman，如果唔係奇奇怪怪應該都好易識到人，話晒初生之犢大家都會想有個照應 ;)
至於感情，我一向都係隨緣佛系心態，唔好將自己睇得咁卑微，如果唔係對方都未必懂得珍惜你，係緣份黎到之前就做好自己去預備吧