生活好苦惱，有壓力好大

[Hicca]

小小自介先我今年27歲，學歷只有中三，所以除左返正職外我仲有返夜校，我有一個細我5年同志情人，拍拖4年，都絕定左佢身為我既終生伴侶。佢份人好單純，仲好有愛心，最大興趣都係食、訓、去日本。每次佢係飲食節目睇到有咩好食佢就會買齊每一種材料去煮一餐，所以小弟屋企有一大堆未用曬食材係家中，雖然每次鬧佢佢都當我唱歌，但其實我真係好鐘意咁單純既佢。出面個個都係搵sex高手、拍短拖、出賣朋友等就覺得自己好勁好威咁，佢就鐘意同我去超市同街市買香草同食材。總之除左食之外佢對所有野都冷感。由於自己學歷低，所以打份救生員工唔夠錢洗，做足7個月先得19000個月，一年入邊得7個月有得返工，所以我都有返兼職。（另外果5個月會搵15000左右一個月人工頂住）我年紀都大所以會諗下同佢既未來，但無奈香港樓價貴，我深知自己收入不夠儲首期，所以下年我會接多份私池做，但計過都係得30000蚊。我有講過想同佢一齊買樓住，佢亦樂意咁做，但係佢無實際行動，都係一邊返大學，一邊洗呀媽一個星期果800蚊，其餘時間都係照顧貓貓、訓教打機咁。有叫過不如返下part time 但最後都係因為懶所以無返，所以我知要靠自己，最近有朋友介紹左我做另一份工，但又係一年返得7個月，每日返16個鐘1個月有45000，無咩野做可以坐係到睇下片咁，但無進升機會，所以我諗緊下年返唔返呢份無時間無人生既工...定係應該每個月搵3萬一日返12個鐘有返人生好呢...