【有線小鮮肉】網上搜尋「靚仔記者」一定搵到佢 黃浩賢夠魅力

[nosofkoff]

今時今日資訊科技瞬息萬變，唔追貼社會時事個Trend，好易就被淘汰，所以返到屋企打開電視，就算唔睇8點半9點半嘅肥皂劇，都要轉過去新聞睇吓社會發生緊咩事，林鄭又公布咗咩新政策。香港市民就慣咗睇大台嘅香港早晨、6點半新聞，又或者全日狂播嘅互動新聞台，但大台新聞成日畀人話佢「是是但但」，又批評話係「CCTVB」，連出名主播趙海珠、林小珍同周嘉儀都離台，記者柳俊江、方健儀同伍家謙又轉行做KOL，大台新聞好似冇咩邊個特別標青。

近期討論區講起新聞男主播，個個都嫌大台嘅主播質素唔夠高，頻頻食螺絲，又投訴多咗好多大陸主播，嫌棄有陣「陸味」，仲大膽講話：「播新聞最緊要就係靚仔，唔靚仔根本唔應該讀傳播！」樣貌嘅嘢其實好主觀，網民就推薦話：「要睇靚仔睇有線啦！」究竟有線記者有幾靚仔？即刻喺Google Search一下「靚仔記者」，又真係搵到個叫黃浩賢（Edwin Wong）嘅有線記者。原來早喺一年前已經有網民發現Edwin個靚仔樣，仲話被佢搞到「錯晒焦點」。一啲都唔誇張，原來網上面一早就有個IG叫「有線小鮮肉」，Edwin喺入面都佔咗差唔多一半嘅相。

又真係有個IG叫「有線小鮮肉」。

有時睇新聞對住個靚女或者靚仔嘅記者，其實都幾「養眼」，所以Edwin早早就喺「Gay Post」被網民熱烈討論，讚佢靚仔又嫩口，仲要想重新睇返佢報道過嘅新聞。

Edwin上年就係香港浸會大學畢業，主修中文新聞，聽講嗰陣佢參加Ocamp嘅時候，大家都覺得佢好靚仔，所以叫佢做「J神」。畢業之後Edwin投身傳媒呢一行，有傳跑港聞嘅佢就連男新聞官都忍唔住讚佢靚仔，睇嚟Edwin嘅魅力真係沒法擋，不過聽講Edwin已經有一個固定嘅女友，大家都係睇多啲有線新聞FF吓算啦。

[Chazelle]

靚仔又後生又叻

[gay1069]

唔知佢係咪bi 仔 宜家興

[hohosiu]

男神級黎嫁wo

[ivan1991]

仲靚仔過伍家謙@@

[pklapkla]

新聞界 明日新星

[kilogram]

真係好靚仔喎!!

[seea]

靚仔SUMSUM EYES 

[Ryan]

有冇人有佢ig呀?

[失去才懂得珍惜]

我男朋友有佢咁靚就好喇