又一次悲劇 【飛墮大圍站 】死者曾助市民追賊 平日愛穿女裝 嘆不入流感痛苦

[YSLL]

         港鐵大圍站昨日（8日）下午4時56分發生有人墮橋事件，24歲身穿女裝的霍姓男子送院搶救後不治。據悉，死者在2015年曾因協助被劫市民追賊受傷獲傳媒報道，當時他在facebook上承認患有「性別認同障礙」，對被指是「易服男」感到不滿。他不時在facebook上載以女性打扮的自拍照，但多次透露因未能融入社會感到痛苦。

http://kindohk.com    

昨午4時56分，霍從大圍站內一條連接東鐵綫及馬鐵綫的天橋墮下，重傷倒卧地面，被送往沙田威爾斯親王醫院搶救，惜於晚上8時許證實不治。事發前約個多小時，霍於facebook發帖透露死念，強調「對不起」，惹來多名朋友留言相勸，數分鐘後，霍再度發帖寫下簡短遺言後便不知所終，一名友人於3時55分報警，警方亦開始尋人，惜未能制止事件。

承認患「性別認同障礙」　拒被指「易服」

翻查資料，2015年8月凌晨，霍曾於旺角彌敦道遇上搶劫案，有市民被搶勞力士手錶，霍攔截及拔足追截一名南亞裔疑犯，其間被人「扑頭」並暈倒在地上，須送院檢查，英勇行為獲傳媒報道。霍事後在fb引述新聞指，自己「係真心覺得自己係女仔，唔係易服」，並承認患有「性別認同障礙」，討厭被誤會為「易服男」，並在其他帖文中透露正等待進行變性手術。霍在facebook上載不少作女性打扮的自拍照，但多次透露因難以融入社會而感到痛苦。

據了解，霍早年於沙田官立中學就讀，其後入讀中文大學工程學系，但中途退學。霍平日愛於facebook上載作女性裝扮的自拍照，前年曾多次公開透露死念，表示因「不入流」而感到痛苦，亦曾慨嘆自己始終不能不理會他人的目光，反問「如何才可以真正地做回自己？」直到今年，霍再度頻密地表示欲尋死，但亦曾公開叫朋友「放心」，承諾自己不會自殺。

朋友留言悼念：你係個好可愛好靚嘅女孩子

事件發生後，多名朋友紛紛留言悼念，表示「我愛你」、「好愛好愛你」、「你係個好可愛好靚嘅女孩子」，「你是個有想法、有主見、獨一無二的女孩」等，希望「她」能安息。

http://hkmenspa.com

---

太介意世俗的眼光,願死者安息

[GAYYAG]

港府對GLBT實在太少......好地地一個人就感比人逼死左...

[十一月的簫邦]

咁樣跳樓真係好可惜

[講經咩]

好sad,咁就冇左

[babyflyn]

港府對GLBT實在太少......好地地一個人就感比人逼死左...

唉,政府都E一刻都無立法SUDO,拖得就拖,對性小眾態度冷淡...5當我地係人

[講鬼故]

點解呢個世界包容力咁少

[Chazelle]

其實港鐵都有責任 咁多年都唔整好閘門問題 一味淨係識講 孤道高研究緊點整 結果間唔中都有人係果幾個站自殺

[Sssssss]

真係好可惜，唉

[Daleyson]

其實宜家大把人變性或易服 點解唔可以當佢地cosplay 係要咁樣歧視人

[Dearestwkt]

可能真係針唔吉到肉唔知痛但如果係我我真係唔會點太理其他人點諗，呢個世界咁多人咁多嗰腦，如果我要一個個都去理，我真心會好忙。但依家講咩都冇用R.I.P.....