生活好苦惱，有壓力好大

[Hicca]

小小自介先我今年27歲，學歷只有中三，所以除左返正職外我仲有返夜校，我有一個細我5年同志情人，拍拖4年，都絕定左佢身為我既終生伴侶。佢份人好單純，仲好有愛心，最大興趣都係食、訓、去日本。每次佢係飲食節目睇到有咩好食佢就會買齊每一種材料去煮一餐，所以小弟屋企有一大堆未用曬食材係家中，雖然每次鬧佢佢都當我唱歌，但其實我真係好鐘意咁單純既佢。出面個個都係搵sex高手、拍短拖、出賣朋友等就覺得自己好勁好威咁，佢就鐘意同我去超市同街市買香草同食材。總之除左食之外佢對所有野都冷感。由於自己學歷低，所以打份救生員工唔夠錢洗，做足7個月先得19000個月，一年入邊得7個月有得返工，所以我都有返兼職。（另外果5個月會搵15000左右一個月人工頂住）我年紀都大所以會諗下同佢既未來，但無奈香港樓價貴，我深知自己收入不夠儲首期，所以下年我會接多份私池做，但計過都係得30000蚊。我有講過想同佢一齊買樓住，佢亦樂意咁做，但係佢無實際行動，都係一邊返大學，一邊洗呀媽一個星期果800蚊，其餘時間都係照顧貓貓、訓教打機咁。有叫過不如返下part time 但最後都係因為懶所以無返，所以我知要靠自己，最近有朋友介紹左我做另一份工，但又係一年返得7個月，每日返16個鐘1個月有45000，無咩野做可以坐係到睇下片咁，但無進升機會，所以我諗緊下年返唔返呢份無時間無人生既工...定係應該每個月搵3萬一日返12個鐘有返人生好呢...

[Aven]

同感

[Cordelia]

梗係要有人生啦...返16個鐘 分分鐘到你搵到首期 佢都等唔到你了

[Genie]

你要嘅係一層樓，還是一個舒服嘅相處？尤其明知層樓嘅代價你負唔起。

[Twm]

加油, 總有自己既出路, 其實你都明白自己有咩缺點, 想要人生咪勤力d搵part time ……

好難得係宜個圈搵到個正常人, 加油!

[Tinic]

大家咁話，我人到三十依家都好多困難

[Annest]

 22歲唔返工好悶

[Blyth]

加油呀

[Bernez]

慢慢揾啦....
你男友仲未大個，個仔有排你湊，到佢識揾第二個時層樓仲係你既就好了

[Mond]

好真實
Hehe 都要生活
成日吼住人地條仔既人
要反省下