香港桑拿reception文化 與 消費者犯賤思維【評論】

[大隻鵬]

【序】

本人以前曾經都做過一位blogger，不過由於xanga以及個人blog的沒落，
有感blog已經與時代脫節，所以毅然擱筆。

首先好多謝http://hkgay.net呢個平台，真係好有心，
為香港同志界成立一個中立及持平的網上平台及媒體。

同志們可以自由發言，只要遵守基本規則，
所有言論都唔會被審查。
唔似得某D blog既主人咁一言堂，講到明要審查，
但歷史同時間證實左，呢D blog毫無人氣。

依家既消費者都醒目左，係唔會盡信一個以個人角度出發既blog。
更莫講某個blog係帶有強烈主觀偏見。

【正題】
大家好耐以前都睇電視聽到劉德華講句：
「今時今日咁既服務態度係未夠架！」

拿！千奇唔好以為我係果Ｄ麻煩客，
諗住比一百幾十蚊可以得到帝王式既服務？
NO! NO! NO!

我想講既係：「香港大部分sauna好想仿效日本果套，
但服務就真係有種惡劣及爛仔風格。」

【Reception唔好以為你係審美教主，難聽Ｄ講你只係門口狗】

首先，你尊重時我尊重你，
我係日本新宿二丁目見過有幾間日本sauna無論個客咩樣，
佢地都一視同仁，禮貌唔係額外付出，
講聲多謝係唔使死既！又唔係叫你三跪九叩。

【Jungle既阿Luk堪稱極品，自己又老又醜都想做審美判官？】

香港有好多sauna reception，尤其係旺角果間Jungle，
以我所知JUNGLE有幾個reception，最唔掂果個叫做阿luk，
我唔想話佢係門口狗，姐係咁既，你仲差過隻狗。
因為你既冇樣又冇年輕既外表，試問你憑乜撚野次次西口西面怒啤Ｄ客呢？

【Jungle的老醜阿叔：阿Luk早有前科】
話說之前落bar都同幾個friend fresh talk，
佢地都不約而同話，JUNGLE請呢D reception真係浪費晒老闆一擔心機。
JUNGLE曾經係幾受歡迎，但阿Luk係好喜歡刁難新客人的，
所以客人數量於１年內，每況月下。

有一次朋友Ａ君同另一位Ｂ君去JUNGLE既時候，
話說Ａ君同Ｂ君都係大學生year 1 小鮮肉，
Ａ君問reception阿Luk有冇學生優惠，
之後條仆街阿叔係度喃喃自語。
於是，Ａ君聽唔到佢講乜，問多次。
跟住條仆街阿Luk就破口大鬧：身分證呀！
於是Ｂ君就幫口：你講野大聲Ｄ咪得囉，點聽姐。
阿Luk最後收左錢，仲話我兩位朋友KAI子。
其實呢個醜樣阿叔係gay圈已經臭名遠播架喇

係呢度講聲，我相信JUNGLE老闆都未必係想個reception咁既服務。
不過希望JUNGLE管理層見到呢D意見之後，
可以好好改善一下員工既接待能力。
唔好比類似阿luk呢種蛋散搞衰自己個場！

難聽Ｄ講句，如果一交（錢）一收（鎖匙）咁簡單既機械式服務（mechanical work），
咁都做唔好既話，我地客人真係寧願你好似日本某Ｄ店咁，
你買部販賣機（vending machine）好過啦，等Ｄ客唔使對住個閪人丫嘛！


【香港式的自虐文化：reception對我好代表我靚仔，
reception對你唔好代表你樣衰！】

Well..奇怪既係，桑拿reception對你既態度成為衡量自己同別人的標準。
其實呢種想法其實唔符合邏輯之餘（It doesn't make any senses and illogical），
亦好怪誕（freak）。亦係部分香港人冇自信表現之一。(Lack of Confidence）

首先，我就假設你真係靚仔，但係你總有一日會殘，
變老，變得冇咁靚。但你身為gay，終生為gay。
你敢肯定你老左殘左之後會同gay sauna完全脫離？
到時你入sauna比人咁judge，對你態度差，
會唔會令你覺得gay佬在香港慘過二等公民？
但問題係，你係比錢消費果個喎！
（當然唔係叫你做閪客，乜都投訴一餐，
不過你記住你係一個人，一個有尊嚴的人，
當你冇比到人地麻煩時，
人地對你態度唔好，你絕對有權發老脾去教訓佢地！）

第二，靚仔定義人人唔同。
曾經聽過一個做過桑拿reception的朋友Ｃ講，
呢個朋友Ｃ話，呢間sauna D主管鬧佢做乜對D客人態度咁好！
（下？我係咪聽錯？做服務業對客人態度好都要比主管鬧？）
事實亦證明左，呢間sauna業績仲差過JUNGLE。
所以，呢間sauna出事就係因為佢成個管理文化所致。

朋友Ｃ繼續講，
佢話呢間桑拿既員工好古怪，
只會對自己喜歡既type的人好態度，
其餘一律鬧客mode同閪面。


咁我又有D好奇，有Ｄ有自虐狂既香港人認為reception對你既態度
等於你靚仔的程度，咁如果唔同reception鍾意唔同既type，
你明明係公認靚仔，但就因為你唔係reception鍾意果類，
D reception對你惡言相向，咁對部分自虐狂既香港人係咪都欣然接受呢？

做人唔好咁犯賤吧！

大隻鵬走遍大江南北，見盡過日本，泰國，台灣，美國，德國同加拿大既
sauna，消費者唔會有咁既自虐式犯賤思想之餘，
呢Ｄ地方（除左日本之外，因為日本服務係超晒班，我唔追求）對客既服務唔叫得做五星級服務，
但基本thank you會講，亦唔會閪面同惡言相向。

香港同志桑拿文化，同埋　香港自虐式犯賤消費者文化，
係時候要改了。


大隻鵬 4/3/2016
http://hkgay.net/showthread.php?tid=43&pid=102#pid102