【動漫節2018】男同性戀cosplay不知火舞連大媽都讚：我仲係單身

[Bnm]

有參加開動漫電玩節的朋友，都一定會見到cosplayer的出現，每位都會預先悉心裝扮自己成為心愛的動漫人物務求以最佳狀態示人。雖然cosplay這個嗜好在香港並不稱得上是流行，更甚者受到大眾側目，冷言冷語，但他們仍然熱愛自己的「另一個身份」。他們不是「變裝癖」、也不是「無所事事」更不是異類，他們是在堅持自己的興趣。


上年蕭艾琳嘅「美少女戰士」，相信大家都有印象。（林迅景攝） 

話說回頭，其實上年《動漫電玩節2017》出現過一位男扮女裝的「美少女戰士」天王星，身高190cm配上九頭身比例，窈窕又長腿，實在吸引不少人羡慕的目光。當然，其中也有好奇的目光。


過咗一年，蕭艾琳話除咗化妝叻咗之外，仲識多咗朋友。（林迅景攝） 

雖然多了朋友，但他表示愛情方面依舊空白。「都係單身，我冇去強求，唔係你話要就要㗎嘛，係要你點樣改變自己性格，去吸引呢個人出現。（有冇男仔主動溝你？）唔...可能我眼角高啦。（即係有男仔溝你？）冇吖冇吖，我都想吖。」工作方面，除了本身的扭氣球兼職外，蕭艾琳也多一份兼職。「我最近去咗間café做女僕。（係邊叫咩名？）可以開得名㗎咩？我驚群情太洶湧，哈哈哈。（老闆歡迎嘅。）間café叫A.T Field Café。因為之前搞咗個偽娘嘅活動，我以嘗試嘅心情去應徵，不過個活動只係得幾次，都係啲期間限定嘅活動，嚟緊8月5日仲會有『休閒嘅下午茶』㗎。」


路過都會望多兩眼。 

蕭艾琳在現場圍繞走了一圈，雖有不少好奇的目光，但顯然他已十分習慣。不過，也有小粉絲妹妹找他合照，就連路過的保安姨姨也大讚：「嘩，好靚女吖！」蕭艾琳覺得大眾應對cosplay少點批評的言論。「輕鬆啲囉，你可以當佢係小丑笑下，但係唔好咁過分批評人，人哋咁辛苦去cosplay都係圍內玩啫，冇話逼你地一定要睇，大家都嚟動漫節，可以開懷啲寬容啲，欣賞下cosplayer着得有幾靚，當係freak show都好，但係就唔好講啲傷害人哋嘅說話。其實我都係同圍內朋友一齊影吓相，想人讚下我哋靚。」


每人志向都唔同，真係唔應該亂咁踩低人。