嘗試搵一個人

[mtrboy]

雖然機會係好渺茫，但我都想試下係到發文，叫做有個機會

唔記得2015年定16年，大概係5月下旬，
你平日每朝在7點8左右會落到黃大仙地鐵站，固定係某一個車門等待
你著西裝，目測175以上，戴眼鏡，身型中等，有點肉但不肥
比我感覺有d似係做會計
你應該係要過海返工，因為我個時做野係尖沙咀就要出站，你未落車

個一段日子，好似只係兩個星期以內，每日返工都帶住期待既心情去地鐵站
見到你個時，心裡面總會有d甜蜜既感覺，但我只係不知所措咁對住手機同聽歌
我記得最後一次見到你，一齊等緊地鐵個時，我嘗試對住安全門望一望你既reflection微笑一下
見到當時你都好似有略略微笑一下，希望唔係我諗多左
但係有一次，有一個位確係令我諗多左，係旺角落車個時，你係好近個門口，當時我企係你後面，中間隔住條柱
但你等人落曬車，甚至到係後面既我要落車，你先跟住落，呢個真係印象深刻

我辭左工之後再冇乜機會係個段時間落地鐵站，之後都冇再見到你
但直到依家我都仲好期待你既出現，雖然我已經唔係咁記得你個樣
如果再一次見到你，我相信我會感動落淚
奈何，自卑既我實在冇勇氣主動展開一段關係

以上唔係老作，完全係個人既一個真實既小故事，遺憾既故事........
真係好想再見到呢個人
我只想係借個位，路人們當睇左篇廢文，感謝收看?‍♂️