單身狗的迷思 我究竟應該點行落去

[satuoshi]

上天有時就係中意殺你一個措手不及
單身左都好長時間喇
最近自己發生左好多事 有好多好大嘅改變
我本身係一個幾無安全感嘅人
係曖昧緊個段時間 會成日胡思亂想
好容易會令自己心情down
為左唔好俾自己係呢段困難時期雪上加霜
所以都無乜特登去搵對象發展 唔想自討苦吃
不過千萬都無諗過 突然之間出現左個人
而呢個人仲要係一個公認嘅男神
自問自己都唔算好差嘅 一般樣 都有人讚過下
不過係佢面前 真係覺得無地自容
同佢最初識個時根本無任何遐想
因為佢唔係有男朋友 就係有對象
所以從來都無試過主動出擊 基本上無乜交流
正當我諗住唔會有乜愛情運個時
突然之間無啦啦因為一啲事而開始左同佢傾計
傾傾下都開始驚自己會中伏 會中意左佢
不過最後我都係輸左 開始會在意佢嘅事
傾到某個位 我鼓起左勇氣去約佢見面
而見面個一日佢做嘅幾樣野
都令我覺得好sweet
但係就係因為咁 我更加覺得唔真實
點解佢會對我有興趣呢 我諗佢應該有更多更好嘅人去主動搵佢
我最怕嘅 其實只係我收錯signal
我所謂覺得sweet嘅都只係我一廂情願以為
又或者我只係佢嘅一隻兵
不過我知道佢近排應該都發生啲唔開心嘅事
我依家只係希望可以陪係佢身邊 諗辦法令佢開心啲
到最後佢會唔會簡我都好 我都覺得可以曾經陪過係佢身邊
好多人都話我好蠢 明知無乜可能 都要決定對佢好
可能真係我太蠢
多謝你睇完我呻左咁耐

[kukuku]

樓主 比d勇氣同佢講出黎, 就算失敗亦無悔

[GordonNg]

加油

[hugo_chan]

參加多Ｄ gatherings