余德丞晒40吋胸肌 江美儀嗒晒糖

[GAYYAG]

藝人江美儀拍劇「艷福無邊」，拍攝無綫新劇《誇世代》先後與黃智賢及關禮傑有感情線外，日前她與陳豪、關禮傑及蔡國威等於黃竹坑一所國際學校拍外景，更有機會親身目測扮演其兒子的余德丞（Dickson）40吋胸肌。曾是香港游泳代表隊成員的Dickson換上泳褲拍攝一場游水戲，澎湃胸肌當場「原形畢露」，搞到美儀「少女心」盡現，且搞笑說：「嘩，小鮮肉喎，等咗呢場戲好耐嘞！」事後更作小鳥依人狀與Dickson合照。 余德丞恨畀江美儀鬧 現場所見，他們「兩母子」相處愉快，難怪當談到有傳美儀擺「阿姐款」教Dickson等做戲時，Dickson即「反擊」謂：「係我向佢討教嘅，我首次拍劇乜都唔識，佢肯教我真係塞錢入我袋，其實佢肯鬧我仲好呀。美儀姐對我好好，得閒就叫埋我去飲茶。」美儀則搞笑謂：「我啲戲份比較密集啲，一收工就返屋企呢，點會仲留喺廠教人做戲呀？唔通踏入七月真係猛啲？」而《誇》劇竣工後，美儀將放3個月假，計劃先後到訪日本、馬來西亞及澳洲等地。 
 陳豪預告晒肌 早前越洋向太太陳茵媺送花的陳豪，不讓Dickson專美，預告稍後亦會「寛衣解帶」拍攝打拳戲，於鏡頭前盡騷辛苦得來的胸肌：「操得差唔多嘞，呢段日子多謝張繼聰同我一齊捱，所以即使拍完劇，我都會盡keep嘅，無謂嘥咗嘛。（越洋送花咁浪漫？）我唔係浪漫嘅人，依家都喺度學緊。所有嘢發自內心嘅，娶咗個咁好嘅老婆，梗係要對佢好啲啦，同埋用行動話畀佢知，老公好錫佢，佢做媽咪好辛苦㗎。」陳豪更指很懷念身在加拿大牙牙學語的囡囡，一家人有計劃年底再去一次旅行享天倫。

[大波美少女]

咁爆咩？！

[turbo]

Thxxxxxx for sharing

[dinonam]

嫌佢喺think big串左少少

[我想被人C]

好正喎佢，但佢真係有40吋胸肌？

[dinonam]

好正喎佢，但佢真係有40吋胸肌？

佢fb d相成為飛釘，40吋胸就應該有既，其他就差左少少

[愛不晚]

朱古力!!!!!好味!

[kukuku]

男神呀 後生 靚仔 大隻集一身身@@

[Lotus]

Haha 身材未算太好姐

[Clssscon]

個樣又未去到話超令仔既。。
波地就幾好