再見男神

[Tin]

約一次午飯，我唔明點解咁麻煩。
你話好耐無見，想約我離港前食個飯。
星期三朝早問你，話不如星期四。
你見到message ，得係一句，唔得都係一句，但你偏偏唔答，只問係咪係某地區。
咁即係得定唔得?
我答你：係架，定係你有其他地方提議?
結果，你星期四下午茶時間先回覆，話想改約星期五。抱歉，午餐我已吃完，星期五另有安排。
機會你沒有把握，而時間是會溜走的。
你問我：點解我唔主動搵你? 你話唔知幾多人成日 message 你，無論幾遠都成日關心你，只有我在香港都唔會主動比個訊息你。
我只能回答：係咪佢地縱壞你?
實情我也同你說過，一個訊息長時間唔睇唔覆，我諗無人想繼續同空氣說 Hello。
無錯，幾次見面都係你主動約，但我搵你你無反應，我除左等你主動仲有咩可以做?
唔通去你公司拉你入後巷?
你說你需要我展示對你的愛你先會投放感情。
但抱歉，我雖然肥矮醜，但我唔會做兵。
我離港你又話要跟住來，ok，比行程時間你，你來，我唔會阻止，你唔來，我都唔會失落。
但你問：係咪唔歡迎你?
Well，我講左我全程有野忙，唔會得閒陪你。
我以為你明白。但你又要約食飯。
結果，便是開頭講既情況，約一個午飯啫，得係一句，唔得又係一句。
而我已再次比機會你，你沒有把握，也不必再問點解我唔搵你。
你係男神，連我啲朋友都個個讚你靚。
我係肥矮醜又無人中意，但唔代表我便要矮你一等要做兵。
機會已用完，你可以繼續享受其他人對你的讚美，也不必再主動搵我。
Bye ~

[伊澤瑞爾]

待人相處連起碼嘅尊重都欠奉，宇宙男神又如何

[狄奧仔]

欣賞樓主有風骨，不做外協，靚仔唔係大晒，就算生得平凡，都唔代表要向所謂的男神“下跪”，服兵役，食到先係真。

[賽格特]

明顯所謂男神想收多個兵，所以釣住你但又唔會正正常常現真身，扮到神龍見首不見尾，俾希望你，見你唔服兵役又消失，不斷重複，唔想斷左你條兵線，想多一個兵，多一份自信和滿足感。

[萊辛恩]

型到喊阿！

[tikitaka]

【HEHE!講呢D】健碩猛男教煮野?: http://hkgay.net/showthread.php?tid=117563

[卡查伊斯]

有無可能男神根本不想被當男神而吓怕男神？

[拉爾思]

一副要世界圍住自己走既嘴臉真係會令人退避三舍，如果對方係已讀不回但隔幾日又無啦啦 yo 下，我都會同佢講，如果忙就唔需要勉強覆，慳返大家時間?
想要獲得人既尊重首先就要學識尊重人

[維卡諾思]

邊個呢排離港呀？

[羅伯納]

臭你又__ 你明知佢係咁重自己msg佢
你都有份縱佢wo